Kaca:Kembang Rampe Kasusastran Bali Purwa Buku 1.pdf/45

Saking Wikisource
Kaca puniki kavalidasi

manyi, batu muali ane len-lenan. Buina sing ja kai anggona keto

dogenan nanging pepes masi kai lantigina, buina pangamah kaine

tusing ja amunapa. Tulen kai anggona ngalih amah, anggona pa-

didiana dogenan. Beneh pesan buka pamunyin ibane Samong ngorah-

ang manusane tuara bisa males legan anak, pantes suba iba ngamah

buka ia i manusa".

Lantas buin makadadua majalan ngalih I Sampi. Kuting I

Sampi masih milu nyalahang i manusa, munyinne, "Tingalin ja kai,

sasubane awake tuara nyidaang buin ngedeng tenggala, laut kai

adepa. teken sudagare. Sing buungan kai lakar enggal ngemasin mati.

Beneh suba iba dadi ngamah i manusa".

Mara aketo munyinne I Sampi, beh apa kaden jejeh kenehne

I Botol, rasa suba makeber atmane ngalih Suargan. Ditu lantas ia

buin nglautang pajalanne ngalih I Kedis Sikep Munyin I Kedise,

"Anak mula manusane corah pesan dayanne. Icang suba ping kuda-

kuda kaden bedilina, nanging aget tuara kena baana. Kenehang

icang, ada jenenga sesaman icange taen ngelah salah marep teken

manusane, nanging icang, sing pesan icang ngasen taen mlaksana

jele tekening manusa. Sabilang tepukina icang setata icang nagih

matianga. Panak icange nu cerik-cerik, juanga abana mulihne, na-

ngingke panak icange tusing pesan ada pikenohne tekening ibanne,

sajawiriing- anggona plalian dogenan. Miara ia tusing bisa, makelo-

kelo mati panak icange makejang, krana naanang basangne seduk.

Bench suba iba patut ngamah ia i manusa, tera ajinang icang, da

pesan baanga ia ngeleb".

Mara aketo abetne I Sikep, lega pesan kenehne I Samong tur

suba sedia lakar nyarap I Botol. I Botol lantas mapuangkid buin

acepok, praya lakar ngidih tetimbangan teken Sang Kancil laut ma-

jalan. Mara dingeha baan I Kancil tutur I Botole keto, laut ia

bengong mlengokang sambilanga makeneh-keneh. Tusing makelo laut

I Kancil ngomong, "Icang sing ja nyidaang maang tetimbangan

apang enggal-enggal. Nanging icang apang tau malu pangawit prakara-

ne tenenan. Suud keto mara icang nyidaang mragatang. Yening cai

makadadua pada cumpu teken paitungan icange, jalan malu kemo

sig tongose i tunian, wit dadi prakarane buka jani". Ditu laut ma-

jalan ajaka tetelu, ngojog tongose jalan I Samonge kena jebag.

Sasubanne neked ditu, lantas I Kancil matakon teken I Botol, kene

patakonne, "Ih, Botol, dija ia I Samong majujuk, dugase cai ngampak-

in. ia jlanan?. Tur jlanane kenken kapo tongosne duke ento?. Ento


-42-