8. I BOTOL TEKEN SANG SAMONG
Kacrita I Botol ia luas ka tengah alase lakar ngalih saang.
Kancit ia ningeh munyin samong magroeng. Mara ia matolihan ka
samping, laut ia nepukin samong kena jebag. Matakon I Botol teken
Sang Samong, "Ih, iba Samong, ngujang iba dini?" Masaut Sang
Samong, "Awake kabelog-belog macelep mai, krana dini ada bangken
bojog. Kaden awake ja lakar tuara ngranaang kenken. Mara awake
teked jumahan, laut magledeg jlananne, tusing dadi baan awake buin
pesu. Tulungin ja awake jani. Yen nyak cai nulungin awake mesu-
ang uli dini, awake masanggup tuara lakar mencanen sesaman ibane
dadi manusa!" I Botol ne mula medalem Sang Samong, tusing
buin ia minehin lakar kadadianne mani puan. Laut ia ngungkabang
jlanan jebage; I Samong lantas pesu. Mara ia neked diwangan, laut
ia magroeng tur ngomong, kene munyinne, "Ih iba manusa, taanang
tendas ibane jani. Gantin kaine jani aget maan ngamah manusa".
I Botol ia tengkejut pesan, laut ia makruna, "Ih, iba Samong,
dadi keto iba ngaba keneh tekening kai. Tusing pesan iba bisa
ngalap pitresnan anak".
"Kenken-kenken korahang, sing bisa ngalap pitresnan anak,
keto? Da buin kai dadi buron, manusane ane nu tegehan bangsan-
ne tekening kai, masih tusing bisa ngwales tresnan anak".
"Awake tuara pesan ngugu petan ibane keto, ngorahang manusa
ne tuara bisa ngwales tresnan anak".
"Nah, yan iba tuara ngugu, jalan jani takonang tekening
burone ane len-lenan. Yen manusane benehan, iba rahayu, nanging
yen pelihan manusane, tan pariwangde lakar iba ngemasin mati
amah kai", keto pasautne Sang Samong.
I Botol lantas ia nuut paitungan I Samonge, laut makadadua
lantas majalan. Di tengah jalan lantas ia macunduk teken I Jaran.
Lantas I Botol nuturang saunduk-undukne arepe tekening I Samong.
Sasubanne I Botol suud nuturang unduk-undukne teken I Jaran,
lantas ia ngomong, "Samong iba ane benehan, krana manusane tuara
pesan bisa ngalap legan anak. Tingalin ja kai, suba kai tua buka
jani, laut kai kutanga. I maluan kaine nu bajang tur kereng, kai
sai-sai anggona ngedeng dokar, mamondong padi di masan anake
-41-
