Raris ngandika Ida Sang Prabu, "Ih, nyen cai ento? I Blatuk?"
"Inggih, titiang kaulan Palungguh Cokor I Dewa. Awinan
Palungguh Cokor I Dewa nauhin titiang, napi sane wenten wacana-
ang ring titiang?"
Ngandika Ida Sang Prabu, "Ih. cai Blatuk, ne ada panguning
I Baluan tekening icang. Saja ke cai salemah-lemah ngedig kulkul,
buina tuara ada apan-apan? Yening saja keto, wenang cai kadanda
antuk nyaman-nyaman caine makejang."
Matur I Blatuk, "Inggih Ratu Sang Prabu Sungsungan titiang,
wiakti sakadi pangandikan Palungguh Ratu. Awinan titiang purun
ngedig kulkul salemah-lemah, wireh I Temisi setata ipun ileh-ileh
ngaba umah. Inggih asapunapi patutne I Temisi asapunika?" keto
atur ipun I Blatuk ring Ida Sang Prabu Singa. Dadi meneng Ida
Sang Prabu ajahan, raris ngandika, "Uh beneh saja unduk caine
keto. Jani, dadi suba mulih enggal-enggal, tunden I Temisi mani
semengan mai ngapuriang, tusing dadi sangkenang sajawining sakit!"
I Blatuk laut mapamit ngenggalang.
Kacrita di jalan tepukina I Temisi ileh-ileh ngaba umahne.
Lantas I Blatuk ngomong kene, "Uh, ne ko sedeng melaha, I
Temisi tepukin icang dini."
Masaut I Temisi, "Man nguda Blatuk?"
Masaut I Blatuk, "Mani semengan sajawining gelem, cai ka-
pangandikaang tangkil ka purian ulih Ida Sang Prabu, tusing dadi
sangkenan."
"Lamun keto icang ngiring sakadi pangandikan Idane." Laut
I Temisi ngamulihang. Teked jumahne ia engsek kenehne tusing
nyidaang pules kanti lemah. Sasubanne semengan makire ia nangkil
ka purian.
Tan kacritanan di jalan suba enggal ia teked di purian, laut
nangkil ring Ida Sang Prabu, asapuniki aturne, "Inggih Ratu Sang
Prabu punapi awinan Palungguh Cokor I Dewa nembe pisan nauhin
parekane sakadi titiang."
Ngandika Ida Sang Prabu, "Cai Temisi, awinan nira nauhin
cai, ne ada panguning I Blatuk tekening nira, saja ke cai indeng-
indeng ngaba umah?"
"Inggih, wiakti pisan sakadi pangandikan Palungguh Cokor
- 28 -
