4.SANG MUUN RING SANG LANJANA
Ri kala jadmane tedun magae ring carik, irika paksine ma-
pupul ngwilang teda ageng alit pada asri tingkah ipune. Kaget wenten
paksi saking delod segara paksi Muun wastan ipune, sareng ngwilang
tetedaan ring carike punika, krura ageng ipune. Paksi sane lianan
tan wenten purun nesek ring antuk ageng ipune, samalih antuk
galak ipune, asing parek ulah ipun ngantos miang saananing paksi
sane lianan, maliha ring dija genah paksine mapupul, ipun i paksi
Muun sareng irika mangremon.
Kabaos ipun paksi Lanjana, ri kala ipun ngindang ring awan,
kagaok ngenot tingkah i paksi Muun punika, sarwi mataken Sang
Lanjana, "Heh ne jerone uli dija, tumben tepuk tiang dini bareng
ngalih teda, buina liwat degag tingkah jerone".
Masaut Sang Muun, "Ah mapi-mapi iba tuara nawang, degag
tingkah ibane teken kai, ne tui ratuning paksi uli delod pasih".
Nimbal Sang Lanjana, "Tuin iba dadi ratu, kai tuara samang
mratu teken iba, buina kai tonden taen kalah baan iba, tuin iba
gede, bacin ibane tuara gedenan teken bacin kai, tuin iba makampid
lumbang tusing edalem kai yen matepuk makeber".
Sang Muun jengah ring dewek kasapunikaang raris masaut
Sang Muun, "Bobab mokak iba sesaman kedis kapecit nagih ngalah-
ang kai, ukudan iba makejang tuah lamun bacin kaine".
Masaut malih Sang Lanjana, "Indaang iba meju apang kai
nawang bacin ibane".
Sang Muun raris meju, satsat kadi taluh bebek ageng bacin
ipune. Sang Lanjana karag-kirig raris makecos ningkrik duur bacin
kebone, sambilanga ipun mamunyi. Pamunyin Sang Lanjana, "Heh
Sang Muun, nene iwasin bacin kaine!" Sang Muun ipun bengong
ngiwasin bacin Sang Lanjana tur mrasa kaon. Masaut malih Sang
Muun, "Nah saja kai kalah gedenan bacin ibane, indaang jalan jani
tegeh-tegehan makeber!"
Nimbal Sang Lanjana, "Nah jalan, mai tutug kai!" Ngraris
ipun Sang Lanjana ngrihinin makeber, Sang Muun ngetut pakeber
ipun Sang Lanjana, di sapunapine tampek gelis Sang Lanjana menceg
ring tcndas Sang Muun sambilanga nyokcok tendas ipun Sang Muun.
- 25 -
