3.SANG LUTUNG TEKEN SANG KEKUA
Ada jadma pepondokan ajaka tetelu luh muani teken pianak-
ne luh bajang aukud, geginanne tuah matetanduran palawija, na-
nging ia tuara taen mupuang pikolih tetanduranne, wireh karosiahan
baan bojog. Lantas sadaya-daya pesuanga anggona ngejuk bpjoge
ento, ia ngae santeb, umpanina baan jagung. Sedeng bojoge pada
tuun ngaiih amah, ada abesik ne paling gedena gegison nyagjagin
jagunge. Mara jagunge kajemak, pacuntil santebe macuatan, santebe
lantas ulung matangkeban, bojoge sepanan mlaib enggalan katekepin
baan santebe i pepondokan ngenot santebe matangkeban, enggal ia
manyagjagin, dapetanga santebe ngamah.
Raris bojoge kacangkling, nyadia bakal tampaha nyanan nyanja-
ang, laut pejanga durin kubunne, tekepina baan guungan. Suba
lingsir teduh i pepondokan luh muani repot ngae bakal basa di
paonne. Disubane pragat reracikanne lantas pianakne ngulig di batu
borehane.
Gelising satua saget pesu Sang Kekua uli batan bantange
nyadia tuun ka pangkunge, Sang Lutung laut macekohan, Sang
Kekua laut ia nolih tur ia nyagjag manesekin sambilanga matakon.
Patakon Sang Kekua, "Heh cai Sang Lutung, ento ngudiang cai
dini?"
Masaut Sang Lutung, "Apa tawang cai, kai lemesina tundena
nganggon kurenan anake luh ane ngulig boreh ento, teken bapanne.
Kai tusing nyak, buina tusing pesan ada nyet makurenan, masih kai
lemesina tur cangklinga, tekepina baan guungan, bakal pangantenan
nyanan petenge. Nanging nyen cai ada nyet, dadi masih cai nyilurin
awake, kewala di panauran caine masih awake undang". Sang
Kekua Iebihan kenehne nyak tur masaut, "Nah yan tuah dadi silurin,
depang awake nyilurin cai".
Masaut Sang Lutung, "Nah ungkabang guungane, lusin pa-
nyangklingan awake, nyanan cai bakal cangkling, bakal tekepin dini,
apanga kadena awake". Sang Kekua kendel kenehne gupuh ia
ngelusin panyangklingan Sang Lutung.
Di subanne Sang Lutung pesu, laut Sang Kekua kacangkling
lima-batisne, katekepin baan guungan tur kateteh baan rimbagan.
- 23 -
