suba madan cendala. Cendekne, ne jani nira nutug iba, salampah paran ibane", keto pangandikan dedarine. Ni Dedari lantas kajak olih I Bintang Lara, "Inggih yan sapunika margi mangkin ka umah I Rangsasane!"
"Jalan", keto atur dedarine, tur lantas majalan.
Gelising satua, neked suba di umah I Rangsasane, sedek I Raksasa pules, lantas tingalina teken Ni Cili, tur matakon, "Yeh i adi suba teka? Men maan adi ngalih gagak petak?"
"Polih, tur Ida Dedari Supraba sareng mriki, niki napi". Mara keto, lantas kacelepang I Bintang Lara teken Ni Supraba di batune masepak olih Ni Cili. Buin kejepne, bangun lantas I Rangsasa, tur ngaukin cucunne, "Cucu, Cueu!"
"Titiang Kaki".
"Alihang Kaki nasi!" Alihanga lantas nasi.
Gelising crita, suba suud I Rangsasa madaar. lantas matakon Ni Cili, "Kaki Kaki apa sih ane di botole Kaki?"
Masaut I Rangsasa, "Manik ento Cucu, ane mwadah botol barak, manik geni; ane mwadah botol putih, manik apuh, ada buin manik glagah, manik toya, manik endut. Kenken adi Cucu nakonang?"
"Ten Kaki, mangda titiang uning".
"Manik apuhe ento mresidaang ngamatiang kaki", keto munyinne I Rangsasa. Suba keto, pules lantas I Rangsasa. Ditu lantas Ni Cili ngalih I Bintang Lara teken dedarine, "Enggang batu masepak!" Enggang lantas batu masepake, pesu lantas sang kalih.
Matakon lantas Ni Cili, "Adi, adi Bintang Lara, suba gede kedise?" Ungkabanga lantas sibuh mase, balihina gagak petake, mara kone tumbuh bulu. Suba keto bangun lantas I Rangsasa. Ngenggal- ang lantas Ni Cili nyelepang I Bintang Lara teken dedarine ka batune macepak.
Lantas ngomong kakinne, "Cucu Cucu. manusa ambune".
Masaut cucunne, "Dong Kaki, dija ja ada manusa bani mai, bes kaki demen ngomong". Mara keto munyin cucunne, pules buin I Rangsasa, buin kone pesuanga sang kalih, tur takonina I Bintang Lara, "Adi adi Bintang Lara, suba kebah gagak petake?" Mara balihina gagak petake, suba kone kebah.
Kacrita dening suba makelo di umah I Rangsasane, suba kone
- 152 -
