Kaca:Kembang Rampe Kasusastran Bali Purwa Buku 1.pdf/160

Saking Wikisource
Kaca puniki kavalidasi

engkebang lantas!" Nyanan yan takonina orahang men ngalih gagak

petak, turmaning ne sibuh mas aba ajaka jaum mase!"

Di siibane suud kapituturin I Bintang Lara, lantas ia majalan

ngaba sibuh mase teken jaum mase. Ngaja kanginang dogen pa-

jalanne. Tan crita di jalan, teked ia di baingine, dadi tuun ujane

bales tur peteng dedet. Ditu lantas I Bintang Lara membon, ngepil

di bongkol baingine. Buin kejepne teka widiadari ajaka lelima

kayeh di tlgane. Beh, bengong pesan I Bintang Lara ningalin

tingkah dedarine kayeh pakrubuk. Buin kejepne teka dedari buin

dadua, ne madan Dewi Gagarmayang, Dewi Supraba.

Critaang timpalne ane maluan suba suud kayeh, tur nyaluk

baju, makeber kambarane. Dewi Supraba nu kone kayeh ajaka da-

dua. Di subane dedari Gagarmayang suud kayeh, tur bajune suba

kasaluk, lantas makeber kambarane.

Critaang jani I Bintang Lara ngintip dedarine tur kakedeng

bajunne. Di subane bakatanga bajunne, lantas melahanga pesan

ngengkebang.

Kacrita di subane dedari Supraba suud kayeh, ukana nyaluk

baju, dadi tusing ada, lantas ibuk pakayunanne tur rereh Ida masih

tuara tepuk, ditu laut dedari Supraba ngandika, "Dong nyen sih

nyemak bajun titiange, yen manusa yen memedi, dong ulihang ja!"

Mara keto pangandikan dedarine, lantas mamesu I Bintang Lara.

Beh. tengkejut lantas I Dedari tur ngandika, "Inggih Dewa, titiang

sane ngambil klambin I Dewane".

"Yening keto, iba manusa ulihang ja bajun nirane apang nira

nyidaang mulih ka Suargan!"

Matur I Bintang Lara, 'Inggih Dewa. yan kayun ja micaang

gagak petak ring titiang, titiang ngantukang klambin I Dewane".

Mara keto aturne lantas ngandika dedari Supraba, "Nah yan keto,

iba ngaba sibuh mas ajak jaum mas?"

"Inggih, titiang makta". Tur raris katurang sibuh mase teken

jaum mase. Ditu lantas Ni Dedari nrima sibuh mase muah jaum

mase, lantas susunidane kacokcok apang mesu toya susu. Lantas

medal toyan susunidane, tur kawadahin sibuh mas, lantas kaicen

I Bintang Lara sibuhe ne misi toyan susu, tur klambinne lantas

katurang teken Ni Dedari. Ngandika Ni Dedari, "Nah iba Bintaag

Lara, yadiapin iba ngulihang bajun nirane, nira tusing mulih, krana

nira di Suargan tusing katrima teken ajin nirane, krana susun nirane


-151 -