ka jaba. To lantas takonina teken I Lengar, '"Jero, jero sapunapi
dados sepi pisan driki?"
Masaut parekane ento, "Kene. Ida Anake Agung sungsut,
nangis dogen Ida lanang istri peteng lemah".
"Dados sapunika, sapunapi se?"
"Apa, putranidane istri palaibang Rangsasa. Asing kema ngalih
tusing mlipetan. Mati suba tadaha teken I Rangsasa. Jani suba tusing
ada anak bani kema majlawatan", keto tutur parekane, kene lantas
abetne I Lengar.
"Lamun kenten tiang aturang lakar ngamatiang I Rangsasa".
"Beh da cai pangkah, awak lara kene buin cenik, damang
nagih clapat-clapat kema. Da buin matangah cai lakar bani. Mara
munyi dogen dingeh cai suba cai ngetor. Meh tusing nawang rang-
sasa jenenga cai. Sada wanen nagih ngamatiang. I nunian suba
tuturin, mlingbing-mlingbing bikulan panjakidane dini tusing bani",
keto abet parekane, masaut Iantas I Lengar, "Nggih te mrika atur
ang tiang".
"Nah keto ja keto". Ngapuriang lantas parekane ento lakar
ngaturang I Lengar teken Anake Agung. Ida Anake Agung, Ida
sedek katangkilan baan patih punggawa muah prebekel Idane ma-
kejang, ane raosanga tuara lenan masih putranidane ical. Teka Iantas
parekane i tunian, uli joh suba ees pajalanne.
"Titiang mamitang lugra Ratu Dewa Agung" . "Apa ada aturang iba teken gelahe".
"Titiang matur sisip ring Cokor I Dewa. Puniki wenten jadma
ring jaba, jadma lara Ratu Dewa Agung. Matanipune mlontod,
samalih sero. bungutipune bengor, sengkok. Punika jaga sumanggup
pacang mamademang meseh Cokor I Dewa I Rangsasa".
"Nah tegarang tunden mai, singnya kaget apa ento nyidaang
ngamatiang I Rangsasa", keto pangandikan Ida Anake Agung, ka
jaba lantas parekane ngaukin I Lengar.
Mara ngapuriang I Lengar makejang anake tangkil ngedekin
tur nyailin, "Jlemane ne nagih ngamatiang I Rangsasa. Tusing
ngasenasenang iba mala makaukud".
Masaut ane lenan, "Sajaan teka jlemane ne nyidaang ngamati-
ang i rangsasa, bin pidan jlemane kene lakar anggon agung".
Tan kacrita jejailan anake suba ngendah - endah, kacrita I
Lengar nikaina teken Anake Agung.
- 140 -