kone pada nyemak-nyemak baju, kuala ada adiri tusing bakatanga
bajunne. "Ne dija bajun gelahe", keto kone pangandikanne. Bareng kone
timpalne pada ngalihin, masih tusing kone bakatanga. Dening suba
makelo alih-alihina tusing bakatanga. apa kalahina to dedarine a-
dii teken timpal-timpalne mantuk ka Suargan. Nu kone kileng-kileng
ditu dedarine ajaka didiina, tengkeemina teken I Lengar.
"Ye ne ada jlema dini meh anake ne jenenga ngengkebang
bajun gelahe", keto pangandikan dedarine lantas paakina kone I
Lengar.
"Jero, Jero, ulihang bajun tiange", keto pangandikan dedarine,
ojog tebaga kone I Lengar.
"Baju napi tagih jerone?"
"Embok mejang baju dini laut ilang, cai dogen dini".
"Tiang tusing nyemak bajun emboke, tiang mara mai", keto
kone pasautne I Lengar, mara dedarine membok-embok, ia bareng
membok.
"Ah cai suba nyemak, deh ulihang, tebusa ja duang tali".
"Tiang tusing nyemak, kadung alaksa embok nagih nebus, dija
men gabagang tiang baju".
Makelo gati kone makencan-kencan I Lengar ajaka dedarine,
tusing pesan I Lengar ngangken.
"Embok-embok tiang matakon ja teken embok, embok nyen
sih, dija umah emboke?", keto abetne I Lengar, masaut lantas de-
darine, "Embok suba dedari Supraba uli Suargan, ne cai nyen adan
caine, nyen ngelah panake, muah dija desan caine, dadi cai bani
clapat-clapat mai ka tengah alase wayah padidian?"
Masaut I Lengar, "Adan tiange I Lengar, tiang tusing nawang
meme bapa, inget tiange uling cerik suba nglaku-laku, sing jalan-
jalan medem".
"Nah keto ja Lengar, embok tusing ja nyidaang mulih ka
Suargan, jalan suba dini nongos bareng embok. Kenken ja cara ma-
nyama, keto, keto abete ajak dadua", keto abetne dedari Supraba,
masaut lantas I Lengar, "Nah keto ja keto".
Dadinne ditu lantas nongos dedarine ajak I Lengar. I Lengar
jemet gati kone ia magae mabian-abian ditu, mamula kone kesela,
kladi, sueg. Dedari Supraba anak ngaba manik sakecap kone ngaji
kone dane padi, be. Nah apa ja kone dotanga, jeg ada. Suba ma-
kelo-kelo I Lengar ajaka dedari Supraba ditu, suba jani I Lengar
- 138 -