ditu madue putra istri aukud jegeg pesan, ne jani ajinne kakeweh-
an nglawan musuhe sakti ngamaya-maya; raksasa galak buin aeng
suba ngratu dini di alase. Ento apang sida ban cai ngamatiang
nlahang sakancan raksasane totonan, cai maan upah okan Ratune
ento tur cai nyilurin dadi ratu ditu, ngrahayuang gumine. Nah ne
baanga cai panugrahan manik sakecap sidi mandi. Nah dong mara
selepang layah caine!" Mara keto pangandikan anake lingsir, selep-
anga layahne, lantas kecuhina baan anake lingsir, nikaanga nglek-
ang. Gelekanga baan I Truna Bagus tur ia ngaturang bakti, nunas
pasuecan Ida Betara. Betara ilang tan prawat matra buin I Truna
Bagus majalan nuut tuduh Widine ngelod kanginang dogen.
Gelising satua enggal teked reko ia di gumine gede kelod
kangin. Ida Sang Prabu, ne ditu madue putra istri tuah aukud jegeg
pesan, sedeng mengpeng anom. Guminidane katekan musuh raksasa
galak-galak buin sakti, gede agul-agul, mamangsa-mangsa jlema,
sai-sai teka ka negara nguug-nguugin. Telah panjakida mlaib pati
lebang-Iebangin, asing bakatanga baan raksasane, ento matianga
amaha; cereta getihne, bareng dadua, bareng telu, patpat, adasa.
Beh makacakan tulang jlemane lepeh-Iepehanga ban raksasane ento
di jalan-jalan. Ento krana keweh gumine ngiring Ida Sang Prabu,
lantas ada saud pangandikan Ida Sang Prabu, "Nah, ne jani nira
masobe, nyen ja nyidaang ngamatiang raksasane ento, ia bakal
jenengang agung, bakal baang nyuang pianak ira Sang Putri", keto
pangandikanidane suba kajarwak di negaranidane. Panjak Idane
yadin para menaka makejang sing pesan ada nyidaang, wireh rak-
sasane ento sakti tur bisa maya-maya. Sedekan anak mapauman di
bancingah, teka I Truna Bagus menyingid buin magoba asibak ma-
dingehang raos, lantas ia matur teken pada ne mangraos ditu,
"Inggih yan yakti sapunika wecanan Ida Sang Prabu, titiang nunas
ngiring pakayunanida sane mangkin, kewanten mangda Ida dane
ipun sareng sami nonton satingkah titiange ngiring pakayunan, yadin
pacang sadia tan sadia, mangda kapanggih. Sapunika uningang atur
titiange".
Gelising satua enggal ada nguningang ring Ida Sang Prabu,
ada jadma samakuta nelasang satrunidane, nanging jadma tamiu,
mrupa tuah asibak. Pangandikan Ida Sang Prabu, kapangandikaang
netesang, jadma uli dija teka magoba, anak kenken? Napi katetes
kone ia baan parekan Sang Prabune; Uninganga awakne uli di alase,
sing ja nawang awakne, apa buin umahne. Kauningang keto masih
- 123 -
