19. NI WAYAN WALUH
Ada kone tutur-tuturan satua, Ida Sang Prabu Koripan ma-
due putra dadua lanang istri, duuran ane lanang ; Ida Sang Prabu
Singasari madue putra istri adiri, muah Ida Sang Prabu Daa madue
putra dadua lanang istri, ane lanang alitan.
Kacrita Ida Raden Mantri Koripan, dadi tusing eling kone
Ida madue mingsiki istri di Daa, teka ka Singasari kone Ida mamadik anak
istri, tur panglamar Idane suba katampi olih Ida Sang
Singasari.
Jani kacrita Ida Sang Prabu Mataun seneng teken Ida Raden
Galuh Singasari, nangingke lakar anggon Ida ameng-ameng dogen.
Sai-sai kone Ida Sang Prabu Mataun lunga ka Singasari nglemesin
Ida Raden Galuh, tur tan mari Ida maktaang Ida Raden Galuh
gapgapan, ajeng-ajengan wiadin pangangge soroh ne luih-luih. Dening
Ida Raden Galuh Singasari kuduan teken pabaan, kadagingin kone
lantas kayun Ida Sang Prabu Mataun.
Sawetara ada abulan Ida Raden Galuh Singasari kanggen
ameng-ameng antuk Ida Sang Prabu Mataun, Ida Raden Galuh
lantas ngrempini. Dening keto, jani keweh lantas kayunidane, wireh
pabuncinganidane teken Ida Raden Mantri Koripan suba paak. Tan
mari kone Ida ngrikrikang daya, mangdene tan kauningin ben Ida
Raden Mantri Koripan.
Kacrita jani buin puan pabuncingan, Ida Raden Galuh Singa-
sari suba di pengkeban, kakemit ben I Nginte Ngemban, ngandika
Ida Raden Galuh, "Meme Nginte Ngemban, kenkenang ben nira
madaya jani, apang tusing uningina nira kakene teken i beli Mantri
Koripan? Yan Ida uning pedas wangde Ida ngambil nira".
Matur I Nginte Ngemban, "Inggih Ratu Dewa Ayu, lacur
pisan Cokor I Dewa madue panjak tua anake sakadi titiang, tan
pisan titiang mrasidaang ngaturang daya, kenak Cokor I Dewa
mawesin, sapunapi ja antuk Cokor I Dewa titiang jaga ngiring".
"Nah lamun keto ja Meme Nginte Ngemban, nira ngelah daya,
nangingke mabaya pati, Meme nyak nututin nira?"
Matur I Nginte Ngemban, "Inggih titiang nyadia ngiring ya-
diapin titiang padem, lamun sampun ngiring Cokor I Dewa lega
- 105-