ngamedalang lingga. tangan raris ngawacen) "Paman Pangeran Tangkas matiang jlemane ane ngaba surate tenenan, reh dosane kaliwat gede tekening singasana Gelgel." (mandreng I Dolog sarwi kenyir). Dolog : "Aduuuhhhh .... padem titiang Mekele ahh....." (nguntuk limane ngejer kajejehan).
Pageh : "Ha .... haaaa 'nden malu Dolog tonden suud gelah ngraos .... iju - iju jeg munggel. Cai ngaba surate kemo.....nangin melahang ngintip, mara cai macelep, surate ne aturang' ken pianakne. Enggalang cai mwali. Nah bebas suba cai. Lenan teken totonan utas suba utang gelahe, utang pati bayaha baan pati ha..haaaaa." Dolog : (Ical kasebetanipun acepokan jeg makepiar) "Ha....haaa....rasa nawanang tuuh titiange malih satus tiban Mekele.......ha....haaaaaa." Pageh : (Kenyem sarwi mokpokin baune I Dolog) "Eeemmm saja Dolog..... (anggut-anggut sarwi kenyem saja....saja.....nawanang .....Nanging yaning pelih cai baan ngaba dewek....tur sing sekep cai....sing payu nawanang, meh awake padidi (ngemelang tangan cara anak nebek) ane lakar ngabut jiwan caine. Ne pianak gelahe pinaka saksi." Monde : "Beh, Bapa....... sing ja tuah dadi saksi dogen (ngebatang lima kadi anak mesbes) yen cidra, tiang lakar nglinggahin bungutne tur mesbes kulitne cara kulit guling." Pageh : "Nah to dingeh cai Dolog? Jani suba tanggap cai teken sapatuduh awake itunian, 'ah?" Dolog : (Matanganan) "Inggih Mekele, sampun tiaksa pisan. Yaning asapunika mangkin titiang nglungsur mapamit, pacang lunga mrika ka50
