nginutin ajakan pamrentahe ane beneh. Keluarga Berencana .... saking saja pesan kayun pamrentahe ngrahajengang rakyatne. (Balik-balikanga pananggalane, tur mamaca) "Keluarga Berencana menciptakan generasi yang sehat jasmani dan rohani."
Gede Gabor : (Makohkohan, macelep.)
Nang Gabor : (Matolihan) "Suba maan mulih masalin?"
Gede Gabor : "Suba, Nang"
Nang Gabor : "Ne paplajahan melah pesan.....tur patut tulad."
Gede Gabor : "Saja luung..... krana tusing ngajahin korupsi." Nang gabor: "Buina sing ja ento dogen..... paplajahane ne perlu gati bacana teken nyama brayane..... ane dot ngelah keluarga sejahtera. Buka omongane ibusan....anak saja mul.... korupsine ento.... laksana corah..... ngawenang katurunane kapastu limang katurunan.... dosa gede....."
Gede Gabor : "Ulesne damuh bapane..... tonden ada mlaksana ane ngawe dosa buka keto."
Nang Gabor : "Aduh....Dewa Ratu.....dumadak masurya Cokor I Dewa.....sumangdene damuh-damuh titiange benjang pungkur tan mlaksana dosa mageng sane mawasta korupsi punika."
Nyoman Sayang : "Nang....Beli Gede.....suba lebeng."
Nang Gabor : "Cerik-cerike kija mlali........"
Nyoman Sayang : "Nyanan lue dong mulih ya."
Nang Gabor : (Madengokan ka natahe tur makaukan) "Sompret.....ning.....Sompret....."
Nyoman Sayang : "Depin suba malu Nang....." (Wireh uyut, ngeling buin anak cerik. Tumuli ma-
159
