Ki Genah : "Beh Ki Bayan... tusing betek-betekan nyuling. Meh bangun bangken bapane nyen.
Ki Lempung : "Tegarang baang nyilih malu sulinge akesep! Apang taen ngupin sulingne Ki Bayan."
Ki Lempung : "Ngendah.... ngenkenang icang Ki Bayan.
Sakeng dot pesan icang ngupin suling Ki Bayane, bes keto luung munyinne. Nyilih akesep dogen Ki Bayan (Manis raose, tur nyagjagin Ki Bayan ).
Ki Genah : "Beh Ki Bayan jangkan bangken suling suba
sing dadi silihin. Yen ne apa ngelah mas amun sendine, meh sing baang anake matolihan mulihne.
Ki Bayan : (Ajrih pesan ipun). "Suling tetamaan bapan
icange ne. Icang anak tamaina ne dogen. Buina yen sing mati bapan icange sing majemak sulinge ne.
Ki Lempung : "Nah kadong bapane suba mati, baang ja nyilih akesep dogen!"
Ki Genah : (Ngraos ring gumuke. Matadah jail ipun)"Bapa Bapa icang nyilih malu sulinge akesep nah? Too . . . anak suba baanga teken bapane."
Ki Lempung : "Mai nyilih akesep dogen Ki Bayan".
Ki Bayan : (Tan dados manahipune, raris kaenjuhang sulinge).
Ki Lempung : : (Ngambilin sulinge tur mlajah ngupin suling. Nanging mula anak tetujonipune jagi mlegendahang Ki Bayan, samaliha mula ipun tan uning nyuling. telah uus angkihanipune, sulinge taler tan masuara becik ). "Adi sing nyak luung munyinne."
Ki Genah : "Mainang, icang sih baang ngamunyiang sing jangih nyen munyinne." (Ngambilin saking Ki Lempunge. Taler suaran sulinge tan pa-134
