deweke nu bajang i maluan!"
Nang Kepod : "Araaaah? koja ngonjakang ane keto-keto! Yeh bungkung nyaine socanne melah pesan! (Nang Kepod nyekel limanne Men Rasning. Mecil mecil bungkungne Men Rasning, sedeng Men Rasning satmaka angob ngatonang Nang Kepod sahasa Men Rasning ngelus-elus bokne Nang Kepod buka tingkah anak-anake truna.) Tegarang tingalin akuda bintange?" (Nang Kepod nyemak bungkungne Men Rasning tumuli nyureng-nyureng di sembene.) Beh, sedeng magusang limane mabungkung."
Men Rasning : "Yan Beli suba nganten ajak anake prawan engsap Beli teken tiang?"
Nang Kepod : "Amon nyai bisa engsap teken beli mara beli bisa engsap teken nyai! (Men Rasning ngidemang mata, limanne nyumbah di tangkah tur nyedot angkihan keras-keras) Melah bungkunge totonan. Yeh, pantes limane mabungkung kene!"
Men Rasning : "Beli, ngranaang deweke tuara sida masomah Beli ngranaang ngrorod ajak Pan Rasning, Beli ngranaang palas jani buin bakal alihang somah bajang genten. Makejang kejalanin deweke sayang!"
Nang Kepod : "Melah bungkunge tenenan! (Mapi tuara ningeh munyinne Men Rasning. Totonon ngranaang Men Rasning gregetan nganti pesu munyinne)."
Men Rasning : "Men dipengantennane Beli lakar ngundang-undang makaideh marame-rame dibenangan idupe acepok?"
Nang Kepod : "Ah, sing, sing ada buka keto masan layah tuara ngelah pipis, nganten sepi-sepi dogen. Adenan pipise anggon ngundang beliang panganggo-panganggo ja anake luh?"104
