Men Rasning : "Krerug totonan adanne!"
Nang Kepod : "Sasubane job di belokan nolih buin apisan satmaka ada ane kakutang. Heh, heh, heh,............ "
Men Rasning : "Tenenan tatitne!"
Nang Kepod : "Heh, heh, heh,.............."
Men Rasning : "Nanging yan umpama sida ia nglalinin dewek Beline mai melahan Bell da nganggo kaca mata apang bajangan pangenahe agigis!"
Nang Kepod : "Sing, sing ada buka keto! Matane suba kaliwat lamur buina yan nganggo keker bintange cerik tur job terang buin gede kajinang. Heh, heh, heh............. "
Men Rasning : "Anak prawan pradnyan limanne iying tindakanne becat dueg pesan madedagangan!"
Nang Kepod : "O, o, yan pade sida dini bakal tunden ngwarung!"
Men Rasning : "Melah masi keto, musti lais! Ngadep teh, kepi, jaja-jaja apa luire!"
Nang Kepod : "Ah, sing keto rerekaanne! Nyanan bajangbajang dogen nganggurin, amon sing gedeg basange ngatonang lima krabang-kribing. Bajang-bajang jani juru baak makejang, melahan ia madagang bakal basa, baas wiadin isin pabuan apang luh-luh dogen mlanjain. Sing keto melahne?"
Men Rasning : "Melah masi keto!"
Nang Kepod : "Beh kadong ngomong keto, taen mabalih joged acepok dong baan misane nyaga karcis sing mayah. Ngajinang bajang-bajang nganggur saling sigit gintelin. Heh, heh, heh, inget duk deweke bajang. Heh, heh, heh."
Men Rasning : "Men duk Beline bajang dija sih Beli pepes nganggur"102
