Kaca puniki kavalidasi
86
- Yan ida darmane ica, ngicanin sakadi jati, ngenahang di tamamaya, ditu marga sanga panggih, kocapan da ngalingin, titahe sakti manulud, tuara dadi pacang pelihang, di lelatane matulis, yan sasampun, nirdosa ka Wisnuloka.
- Yan wenten darma saika, icane ring titiang Gusti, titiang wantah nyandang pisan, nuhun pada ngaturang urip, ping kalih ping tiga Gusti, mamanjak satuu-tuu, saking sakala-niskala, tumus tekeng panak sami, mangda Ida, Sang Darma ugi manjakang.
- Walapura jani ngucap, Grundung jalan ne jani, tulung wa mabagatatar, apang ngelah umah abesik, I Grundung sedih nyaurin, sandikan Wa titiang puguh, titiang ngiring pakayunan, muputang matarin mangkin, keni gelis, balene matembakuang.
- Semani kupine enggalang, tekane jajane tanding, mamanisan kacang ijo, manyanyah magula pasir, ne mawarna selem kuning, putih barak len to dulu, nyenyer rasannya melah, nuah to ada ruti manis, manis muluk, I Grundung pantes ngacapang.
- Cawane suba mabayah, maturuh ban yeh kupi, apine tundenang nyemak, juang reko mangenjuhin, ditu rasannyane lewih, ento jaen buin nyangluh, ngulihin nyahjah uat, gaya tuara da nandingin, yan iribang, ada laku manandingang.
- Anake demen makákasihan, ento kocap paling bangkit, singnya ento bilih asah, anake ne mengupkup gait, sangkan liu bani mati, kapilug baan kaya kasub, macembaru wewangunan, saling sasak mangrihinin, dadi lumrah, kaya de akeh nuutang.
