Kaca puniki kavalidasi
1.28 GEGURITAN PANYESEL RAGA
Puh Sinom
- Duk kawit titiange nyurat, ring dina Soma manulis, legi wara Medangkungan, titi tanggalipun Gusti, ping sapta suba nampi, sasihe Kasanga ditu, ludira ping sanga, tenggeke paksi ninggahin, I Sakanya, mangkin titiang mangucapang.
- Kocap Isakania surya, astine tan pasah ngiring, makadi tangan-tangan, mangusud guane becik, pantes guan raksasi, tongose di alas suung, tong ada manusa kema, genahe lintang saripit, apiliha, janmane teka kema.
- Yan tan wit manusa suba, kaswecan antuk Widi, teka kema mangianghyang, makadi matapa malih, ento de jati bani, posisane nunas rahayu, makadi newasraya, natak swecan Widi, sane patut, panunase kadagingan.
- Aketo jani ucapang, baan titiang iseng nulis, tuara ngelah gae angkuhan, nyemak ental mangutik nulis, munyi ng awi ngremon paling, sakewala suba mungguh, ucapang titiang di surat, paminya pangeling-eling, apang ada, anggon nyalimurang susah.
- Iseng jani mangucapang, baan liluse tidong gigis, sai kalah mabebotoh, lacure tuara da gigis, temuang an manglisting, gelahe onya matunggu, carik abian di pisaga, gedogolan buka kuris, jani tumbuh, pangrasane ne kutila.
- Lade sugih magobiah, tuara bisa kuangan pipis, sing titahang suba ada, sangkan momo buka jani, lade suka uling cenik, di tuane pati entul, nyen anake ngamaang, nyama braya mangendep in, awak pengkung, ngaku ririh padidian.
- Jani tua mangrasa, manahe ngambekang kadarmin, tuara lenan peteng lemah, anggon keneh sai-sai, wireh tan wurungan mati, mulane mula punika, ne istitiang titiang. apang mantuk maring jati, ento surudang, tunasang ring ida darma.
85
