Kaca puniki kavalidasi
84
- sregep saha senjateki.
- Bengong titiang malengok saking kadohan, doning titiang tembe manggih, gaok manah titiang, sang maboros makapatpat, boya buron kulati, kantenang titiang, ipun mangembarin paksi.
- Tan paawak mung matendas ikut jamprah, punika kakembarin. i paksi ia rengas, tamplak belod mangalerang, kaja keni tamplak malih, nambung ngalodang, saking kelod katamplak malih.
- Babang malecat pakeber paksine ngawang, raris ipun nomplok jaring, labuhe ka tanah, kanten mati antuk titiang, raris kajemak i paksi, malih ka tamplak, ngesir pakebere becik.
- Titiang angob ngantenang paksi punika, duaning ipun malih urip, manawi punika, paksi druwe kaucap, sampun mati malih urip, malih katamplak, saget ipun malih mati.
- Yen ping kuda paksine punika pejah, suba pejah malih urip, macepol ka tanah, antuk tan keni katamplak, minab migun nika sami, sagetan usan, i juru boros mulih.
