Kaca puniki kavalidasi
1.26 GEGURITAN DEWASA
Puh Sinom
- Pamacakane tuturang, ne manut tanggal pangrihin, dinan tileme mahetang, yen twah Redite kahambahin, pamacekan-nyane ditwanggit, ping rorase ya ditu, yan ka coma ya mangambah, di ping solase kaongsi, yen di Anggara, di tanggal ping dasa.
- Yen twah tileme ka buda, di ping sanga kagenahin, yen ka Wraspati di tanggal, ping wolune kapacokin, yen Sukrane ping, pitune ya kajujur, lamun ka Saniscara, di ping neme katuwonin, keto unduk, sane manongos di tanggal.
- Ne kapanglong jani kocap, purnama kawilangin, yen ka redite mangambah, di panglong rorase kaungsi, yening ka coma di ping, solase ditu kajujur, yen twah ka anggara, ping dasane katuwonin, yennya ka buda, di ping sangane kоcapan.
- Yening ka Wrespati mangambah, di ping wolu kagenahin, yening dening sukra kababar, ping pitune katongosin, yen Saniscara di ping, nem panglonge katuju, to maadan pamacekan, tong dadi pacang ambahin, ngawe ayu, makadi buat pawarangan.
- Ne buin ada kawatang, pamacekan agung wiakti, di Wrespa tin sinta wariga, langkir tambir bala muki, ditu inget ang gati, tan yogiya pisan matemu, smara tekening garwi. kamane yen twah dadi, sing da buwung, goban panake pataka.
- Kalih ne ada kaucap, prawanin wulan kadanin, yesta di tanggal apisan, yen sasin sadane wiakti, di ping pat belas nanggalin, kasane tanggal sapuluh, karo pituning tanggal, katiga tanggal ping trini, kapat nuju, tanggal ping neme kocap.
- Kalimane panglong ping dasa, kenem ping wolu panglongin, kapitu panglong ping roras, kawulu panglong tlulasin. kadasane malih, panglong ping neme kajujur, ento dewasa
