Kaca puniki kavalidasi
1.25 GEGURITAN DEWASA
Puh Demung
Pangeling-eling ingkel
- Sinta Langkir Tambir Wariga lan Bala, ingkel wong wastanipun, manyanda manuku, mausesa ditu pelihin, Landep Warigadean, Medangsia lan Madangkungan, ne kocap ingkel, Sato to kaadanin, nekayang suku empat, pelihin da nuwenin ditu.
- Ukir Julungarum Pujut Wayang Matal, to madan ingkel manuk, da diwasan ngejuk, ngubuh meli sarwa paksi, Kurantil muang Sungsang, Uye Paang muah Kaulu, igkel mina kocap, ditu da nembenin, ngelebang soroh anakan, yen ngejuk be tujuang ditu.
- Taulu Dukut Manail Krulut Dungulan, to madan ingkel buku, ditu da manandur, sarwa mabuku pelihin, yen Gumbreg Prangbakat, Watugunung ingkel taru, to reko adannya, ento sedeng impasin, soroh buat mapamulaan, sakaluwiraning kayu-kayu.
- Keto unduk paingkelane kaucap, twah buka ne di malu, ingkel wong sato manuk, buku taru genti sai, mlali tan pagilir pada, mauku to jua ingetang, apang bisa ningkadin, pailehan ingkele kocap, buka tuturane di malu.
79
