Kaca puniki kavalidasi
78
- Mangembus kamben ngenggalang, pancorane kapanjusin, uli beten munggah-munggahan, malane sayan kalebur, ne paling luure pisan, kaunggahin, kapandusin ngonyang manah.
- Sumingkin malane lukat, denda upataning Widi, papa klesa miaradan, rakiyaning wong kalebur, basmi buta durwinasa, onya dadi, kageseng kalebur lukat.
- Apan tirta pangleburan, samalan jagate sami, apan taman Sudamala, tirtane suci manglebur, pakaryan Hiang Girinata sangkan dadi, Ni Sumala sida lukat.
- Saking pangaran Hyang Siwa, Ni Sumala kasuecanin, tumuli ayune liwat, menggep wrespati listuayu, ayune tan pasingsingan, mula bangkit, sing rerasan ng awe rimang.
- Ayune tong kena ceda, sekala Hyang Giripatri, alah wong sanegara, sabatan langite ruruh, saluur pretiwi jahjah, tong kapanggih, di Bali miwah di Jawa.
- Ni Sumala wus masiram, kambene wek lipetin, nengakna Ni Sumala, wus masiram munggah laut, maring wa tu sumayana, sampun prapti, manegak laut manidra.
- Tusta rena Ni Sumala, duhkitannya onya bresih, seduk sedihe wus ilang, wareg tan paneda sangu, bramarane umung umiang, ngisep sari, irib lega manyambrama.
- Paksine miber ring taman, munyine saling tambungin, irib nyapa panyembrama, irenge umiang-umeung, pagreong ng ajak timpalnya, ngrebut bukti, ada nyingal pianak barak.
- Macanda mawijah-wijah, canden pianake sangkil, mirib ngae kakedekan, bojoge pasradap rauh, ngalih sarwa wohwohan, cerik-kelih, pakreak macecandaan.
- Saling kepungin macanda, ada len ngawe jejanggit, saup timpalnyane codcod, ada len galak mangepung, masaup lantas matukar, ada buin, tingkahnyane mamelasang.
