Kaca puniki kavalidasi
72
- inguang, sira ingsun amu-amu, kang dadi kembanging natar.
- Trengengene ingsun iki, sira panglipuring nala" sang putri aris ujare, "Ibu manira tan arsa. karaning ingsun tan arsa, tan sambada rupan ingsun, paran rupan ingsun biang.
- Asare kalawan linggih, ulan kalawan manusa, iku tan arsa iringong, biang aja dukacita, pasti tan arsa ingwang, alaki lan ula iku, genti mangke kawarnaha".
- Ni Sundari Bungkah kawarni, tan ica turu lan daar, tan sah angrusak ragane, ing latri tan sah karuna, lunga ti laring praja, anutuh sesriranipun, sesambate amlas arsa.
- Anggawa angsa sawiji, tan angetang pringgabaya, wanagung kalintang mangko, monggah tumuruning atga, manjing metu ing warna, lumakwa anjujur gunung, sakarsan areren sira.
- Hana ing froaing sasawi, irika ngene rerena, satengahing wana mangko, heca denira rerena, Dewi Sundari Bungkah, sira nyembleh angsa iku, nulia ingolah-olahan.
- Henengakena sireki, sira sang brangta angarang, wenten ta kocapa reko, saking gelising cerita, wenten genti kocapa, Bagawan Wrespati iku, ikang kacaturing gita.
- Punika purwanireki, dina pepitu punika, Begawaniku mulane, ardbi lan Dewi Soma, aputra roro sir, lanang wadon putranipun, istri ngaran Dewi Sukra.
- Putrane lanang puniki, akakasih sira Buda, Begawan Wrespati teko, lekinira Dewi Soma, lunga maring patapan, angobong menyan Sireky, maring Sanggar kabuyutan.
- Tan kena minge sireki, aneda ing Sanghyang Tunggal, sawiji mangke kresnane, tab hana lian kang katinggal, mangkana tingkahira, Begawan Wrespati iku, genti mangke kang kocapa.
- Ni Sundari Bungkah kawarni, ing jroning sesawi ika, nulia nambleh angsa reko, nulia ingolah-olah, nulih binakar sira, kongas gandane punika olah-olahaning angsa.