Kaca puniki kavalidasi
1.23 GEGURITAN SUNDARI BUNGKAH
Puh Semarandana
- Kasmaran nyitra amuji, aryang Brahma raditia, unggwaning wiku tan panglong, kapati brahmarangrarah, anana kaprapancan, Hyang Naga Bayu anemu, purwakan ikang cerita.
- Naga Gombang lanang iki, Naga Gini ikang kania, saking jroning laut reko, aumah jroning segara, punika purwa neka, purwa ceritane iku, Naga Gombang Naga Ginia.
- Naga Gopita karihin, Naga Gombang apuputra, lanang sawiji putrane, awasta Naga Pratala, Naga Gini ta sira, apuputra istri ayu, sajagat norana mimba.
- Wadananira lwir sasih, purnama kreti kang padang, lir madu juruh manise, awasta Sundari Bungkah, wenten mangko kocapan, Naga Gombang kang kawuwus, lan Naga Gini punika.
- Naga Gombang angling aris, maring Naga Gini ika, "Naga Gini sanak ingong, yan sawai karsaningwang, karep ingsun ing sira, yen bener ujar iringsun, yen sisip lah sampuraya.
- Lah ta mangke karsa mami, yen sanawi kresanira, Si Naga pretala mangko, karep ingsun temunana, kalawan anakira, lan Sundari Bungkah iku, yen sawai kresaningwang.
- Upamane karep mami, akumpul manah manira, ajana kapisah reko, ingsun kalawan ing sira, aja pegat asanak'", Si Naga Gini awuwus, abener ujarireka.
- Ya ta wus sama kang kapti, Naga Gini kawarnaha, ataken ing anaknialon, "Lah ta nini huruhanira, sira nini alakia, lan Naga Pretala iku, apan ku sanakira".
- Saha kang tinari angling, amuwus sambil karuna, "Eh Biang tan payun ingong, alaki manira Biang, lan Si Naga Pretala, angur matija katengsun, kang lamon pinaksa ika.
- Pira ta laraning pati, ingsun asuduk sarira", ya ta ibu niangling alon, "Ih Nini aja mangkana, mas mirah anak
71
