Kaca puniki kavalidasi
244
istri utama, kekayone ngrimang ati, mangden luput, Wesrawana oganggen Lamak".
- Dewi Kekasi saur sembah, "Titiang wantah mangiring,” raris dane meseh warna, saksana dane masalin, kaayune kadiang Ratih, pamupulan sarwa arum, Hyang-hyanging masa kartika, ngasorang madu jeladi, sami nungkul, Dewan kalangening jagat.
- Gelising crita lumampah, Dewi Kekasi gelis prapti, ngadpada sasha sembah, ring jeng Ida Dwijarewi, pranda ida tatas uning, mungguwing karian Sang Ayu iku, dening ida sedengin puja, Dewi Kekasi rauh tangkil, pranda asung, sueca ida waranugra.
- Dening ida mraga acintya, sidi wakia asing pinrih, raris ida ngranasika, nunggal japa mantra sidi, ditu ida agawastunin, saksana dane masunu, mijil putra dasa sirsa, Dasawaktra kaparabin, ne aukud, metu kadi singa rodra.
- Karna dane luir kumba, Kumbakarna prenah ari, antuk dane Sang Rawana, Pranda nalih ngawastunin, mijil jalu sawiji, mlungid nakane Sang Ayu, .kapesengan Surpanaka, Dewi Kekasi priati, raris matur, ring Pranda Wesrawana.
- Singrih Pranda titiang nawegang. terusang suecane mangkin, nganggen titiang panyeroan, lintang nista kirang budi, momo angkara wiakti, wanungkanin yun I Ratu, meled pisan Ratu titiang, ring pianak darvia murti, janma mulus, darma anurageng jagat".
- Pranda ida lintang sueca, miarsaang atur Kekasi, raris ida manunggalang, yoga sasmreti, anista, panca mabutene wedi, trimala sami kalebur, saluir i rajah tamah, wus jroning ati, puput sampun, varis ida’ mangwatunang.
- Tan geng kroda Wibisana, putrané piat kauri, kaparabin Wibisana, anut salwaning aji, swabawa Lintang lindih, tan kasoran darma sadu, saksat uretaning jaget, sing sinandian sida aes daat mulus, nirmala tab pasingsingan.
- Wijiling okae patpat.saking tuduh Sanghyang Widi.
