Kaca puniki kavalidasi
242
- Tan mari Bapa mamuii-muji, apang nemu, pakolih i panak, ne lewihing. wisesane, sai semadi wangun, peteng lemah sahakamimik, muah mamagehang brata, tui Cening tuhu, gawenang Bapa di manah. makadinya, sungkemin Bapa tan mari, anggon Bapa kemitan.
- Malarapan saking las gumanti, kapitresnan, Bapane mapanek, yan mungguhing sadian Bapane, mangden sidaning laku, tingkahe sang maputra lewih, di kidepang ban pianak, ento kasukan muput, ikaduhkitan sang maputra, yan i pianak, tuara mangidepang munyi, tur tan patuting lampah.
- Buin jelene mapianak pitui, paling baan, takutnya I Bapa, mapabaang pangelemek, daat ida rahayu, ne mangelah panak subakti, teléb ngalih kabisan, ada te pitutur, ida sang lewihing wira, buating nguruk daya, muah laksana lewih, ento ne pingit Bapa.
- Ngawanang sukane daat lewih, makasundih, ngalih ne pisadia, nemu kawongan utamane, muah kasaktine nulus, keto pakulihannya Cening, tuara bakal matinggal, luir manik satuhu, yan sang nguguanin upaya, sinah pesan, nyidaang musuhe nguncir, saluiring laksanannya.
- To i pianak ne mamuatang ngalih, karahayuan, bapannya tan lad aketo tuah pianake, ne pitui rahayu, gaen kawitannya gumanti, tan mari gaenanga, kanggon makakurung, subaktine makawitan, suka gitang, brayannyane tan sinipi, baingin, kasawangang.
- Ane di samping margane asih, len buin, makapangaleming jagat, baan kalewihannyane, kayogiane kaajum, makapaembonan tan mari, kantenannyane Newa. liwat lewih tuhu, anake mangeelah pianak, gunamanta, miwah lewihing pamargi, mawuwuh kagungannya.
- Ento pakolih yadnyane ping keti, pituil sing ada, ada Pada-pada, aketo masih tuara len, olih pianak manemu, makranan jelene bukti, lewihing bagia pesan, yan i pianak tutut, ane neulah karahayuan, idepang jua, panguduh Bapane jani, Cening ngirtiang i lara".
