Kaca puniki kavalidasi
239
mawuwuh brangti, wimana katinggal raris, antuk Sang hyang Danendra, raris kaambil kajarahin, ring wil prahu, praya kaanggen tegakan.
- Gelis raris igamantukang, raksasane makasami, ngawangun kutan Sang Boma, kawarna wau puput gelis, ring bayabia mlinggih, kelod kauhe kaengku, pradesan Hyang Baruna. miwah punika negarin, ida sampun, danadipa sampun lian.
- Ring sampun puputing kuta, dating ngagagaokin, i rika raris mangrista, katapowana tan mari, punika duaning sami, mapinunas prawiku, mangden kaparipurna, antuk I Dewa ne mangkin, makamretiun, Sang Bomane tuah I Dewa.
- Saking wicana Hyang Siwa, "Kararaning Bapa mriki, nunas ica ring I Dewa, mangde tulus tresna asih, manulungin Sang Resi," sapunika pranamia ngandika, ring Sang Prabu Harimurti, mapitutur, indik solahing pendita.
Puh Dangdang
- Watek tapane masemu sedih, waspanida, kamembengin tingal, kengin Prabu Kesawane, lintang wikan ring semu, tumulis ida manyanggupin, swakaryaning pandita, antuk kanggen sungsut, osah ida madekesah, tan panaha, was panida deres umijil, ndulurin waspan pranda.
- Saha matur Sang Prabu Hari, "Inggih Dewa, Sang Mahapandita, kalangkung manah titiange, kawelasiun lwir ketus, titiang sadia ngetohang urip, ngamelang panceng tapa, saking kirti tuhu, pacang silunglungang titiang, maayu jagat, saking wacanang Maharesi, magehang ayuning rat".
- Sang Muniwara nyaurin aris, "Tui Bapa, jani liwat bagia. pamuput Bapane, bane I Dewa sanggup, kenken dayan I Dewa jani. dening ipun I Boma. ka suargan ngalurug. magrista Hyang Sureswara. patutipun. waduannya telesang mangkin. ne ngrista Sang Pendita.
- Sapasira utus Narapati, ne mangebag, praresine ring Malaya, mangdene tulus pagehe, sampun ke ima Ratu wireh ide jerih ring raksasi, aksamaang juga Bapa, tur sang ngalungsur. tulung keni tan kasueang. mapa tingkah,
