Kaca puniki kavalidasi
238
- Luir kuna duk ngekarnawa, saksana dewane sani, mapinunas ring Hyang Wisnu, mangden mari warni bawi, tan dumade Hyang Hari, megeng ngarcanaang tuhu, jagat tigane samian, ring usane magemadi, purna sampun, jagat malih kadi kuna.
- Raris Hyang Wisnu manyingak, Benawi Sanghyang Pretiwi, daat lewihing kaayon, buduh Ida Sanghyang Hari, tan panaha mangabin, tur paduning sinjang kembus, sang kakosa punike, tumuli nyerit manangis tur mananggul, Ida tan kayyun kajamah.
- Ibuk menggah ring Hyang Wisnu, kelingang duk warni bawi, antuk Jinteng krura rupa, agenge ngatatakutin, reh bayun anak istri, sida kasmara dudu, tan sue raris ngidam ring rusatala malinggih, mangkin sampun, ida mobot ka cerita.
- Yan wilangang tibanannya, tan kirangan ring siu warsi, wau embas rare punika, kagaok danawa warni, Ida Hyang Brahma asih, kaledangin pisan ipun, tur ipun kanugraha, makadi papasihin, wiakti anut, tan wenten lian sang Naraka.
- Saha ide ngandika, "Wastu ngalahang ne molih," sapunika Sanghyang Brahma, ngandike ring Sang Naraki. tur ngadegang Bupati, tribuanane kawengku. antuk buat suecan ida, Sanghyang Padmayoni lewih, krana ipun, Sang Boma tan kapangpangan.
- Ri sampune kanugraha, kaliwat egaring ati, masiat kewanten budinya miwah tan maren ngrusitin, ring pasihe mlali, saha sikep magegebug, balane wil detia, gajahmina kategakin, daat muug, wenten ring junging segara.
- Sabudal saking segara, gelis ngaraosang mangkin, dane ngawentenang yuda, Sanghyang Danendra kaungsi, sadia jaga kalindih, purinidane satuu, kajarah gumantinnya. tumuli mangkat pramangkin, saha linus, balannyane kadi duma.
- Maduluran geni ngobar, teka maborbor negari, ban kadaatan brangtinnya, yening katandingin wiakti, sayan
