Kaca:Kembang Rampe Kasusastraan Bali Purwa Wewidangan I Buku II.pdf/236

Saking Wikisource
Kaca puniki kavalidasi

2.12 BOMAKAWIA PARIKAN

Puh Sinom

  1. Semalih Dewa Sang Nata, tuturang Sang Bomane riin, pirengang ne mangkin Dewa, Sanghyang Hari Padmayoni , mabaos muji-muji, indik kamoli-kamolihan muput, boya wenten kabaos, manandingin yan kasaktin, adoh tuhu, wenten nglintangin ida.
  2. Mapuara momo ida, sahanan jagate sami, pakaryan ida kabaos, kalan kabaos sang kalih, sagetan Lingga Manik, madeg ring ajeng kadulu, mamanjangang kacingak, ngandika ia tumuli, "Ne apa, katon lewih kabinawa".
  3. Gelis pakayunan ida, manehan i lingga manik, wau ngabet tangan kiwa, magehang I Lingga Manik, apangadeg kaaksi, gaok matelasan kayun, raris ngadeg Betara, kajujuh pucaking manik, ida nyengguh, wenten satengahing tawang.
  4. Punika awinan menggah, ida sang kalih ne mangkin, kayune ngrusak I Lingga, katuludang katinjakin, kacakra tan melurin, senjatan ida mawangsul, kantos lesu Sang Karua, irika Hyang Wisnu mangkin, salih rupa, bawi ageng ngebur

tanah.

  1. Hyun ida mangde manggihang, pukuhing I Lingga Manik, pisadian ida punika, mangdene rebah I Manik, nanging bongkoling mani. pradene nora kapangguh, duh rauh beten ida, betenan ring ida kari. tan kapangguh, bongkol i Lingga punika.
  2. Kalih Ida Sang Brahma. matemahan kresna paksi, makayun manampi pucak. punika I lingga Manik. Sampun ida tegeh ngaglik, taler soran kantun, sarauhe ring akasa. jag kasibak antuk kampid, mangalangkung, ne mangkin ring biomantara.
  3. Taler tan wanten kacingak. tuktuk I Lingga Manik, wiakti doh di duur pisan, tan pawang matra kaaksi, raris toyaning pasih, saking langite tumurun, Ida Betara Brahma, ne tan ngamaranin, kelem lebur, jagate dados segara.

237