Kaca puniki kavalidasi
235
dewata madabdab sampun, sami sampun kadauhan, ring Hyang Indra pacang ngiring Hyang Atanu, Mahamerune kaungsi.
- Miwah Ida Sanghyang Smara, sregep sampun mapamit ring Dewi Ratih, mijil mabusana murub, kari ida mangantosang ring Bancingah Pamantengan sregep sampun, Si Kingking reke wastannya, panahe I Welasasih.
- Makamiwah panjakida, sampun kumpul tur ida lulut wastanin, palinggihan ida luung. antuk sarwaning bunga, makamawon kedepan gininjring alus, pangawak dokare kocap, menuh angsanane asri.
- Makagajahe macangcang, bunga kedapan bun katirahe asri, udang magambar ring tunggul, antuk kadapan ngulepat, duka putih sayonge macangcang sampun, tatite makatalinnya, kadi suntagi mas rawit.
- Maka kusirannyane kocap, angin nyirsir dabdab ya manglan tingin, pecute entikan gadung, tumuli raris mamargi, masarengan dewata resi sadulur, widiadara mangiringang, Sang Hyang Indra, mungguhing ati.
- Makapinucuk mamarga, sarwi ledang mangalodang reko mamargi, Smaraloka wus kapungkur, tukad Gangga camoun lintane. watek resigana makeber mambur. kadi masahsah, pasih katon ngulangunin.
- Kadi gununge majalan. ombakipun keruge mangaworin, kaange dawa mangungeul, panden wong kadi ring. kaparanan antuk limute mangliput. mairib ipun ngengkebang. kulangunannya kaaksi.
- Batune ngadang mememan. kadi gajah agung mandus kaserserin baan ombake manempuh, muncuk kaang macutanggah, yan parnaang mirib juru pancing ditu, ngalebleb masangan banjang. miwah ia masangang jaring,
- Bulung-bulung masrawean, mirib sutra alus masulam sami, mirib sangsangan kadulu. kantun wenten prau rusak. sampun kandas ri giline joh saru. bidaknyane ulap-ulap. ngulepat katempuh angin. mirib sangsangan kadulu, pun kandas ri giline joh saru. ngulepat katempuh angin.