Kaca puniki kavalidasi
227
wiakti titiang sisip, ngoda sasidan I Ratu, inggih ke parisuda, kretesin ban banyu urip, mangda luntur kasisipan titiang Pranda.
- Reh I Ratu Brahmangkura, pendita, wakbajra sidi, nyekala maraga dewa, patut suecamanulingin, anake duhkita sisip, mungpang tuare nawang unduk, patut Pedanda nyupat, i katunan tan pakirti, "Masesantun, atur somya saha sembah".
- "Upami sekar angsana, layu babar panes angin, tan maren ngame manatak, sasih kapat kasabehin, i gadung mara mentik, maguyang di tanah krepuk, tan mari ngajap tawang, ebun i gadung kasturi, mangda durus, polih tungguan nalatap.
- Paksi langlange milehan, ngindang di langit mamunyi sawang sedih kapanesa, tigame-ame ujan ngribis, titiang kene layu aking, natak swecan Pranda Agung, manyupat marisuda, antuk merta sanjiwani, mangda lanus titian, titian nincap suargan".
- Pedanda ngandika singglar, "Nguda ulap ngambe ipit, nyapnyap nyambat kadang braya, bapa meme tuara dini, buin awekas kapanggih, di Suralaya, ne jani nyai rusak, salah mangemasin pati, enyen ame, ngrumun ngeling pati sambat.
- Tong nuga ada anak olas, kumarisin manyagjagin, pacang nulung nyai corah, kaeh salsal nyai mati, "Sapunika kasaurin, antuk Pranda Trenawindu, Diah Arini mangesah nuuh ngeling jerat-jerit, "Ratu Agung, malinggih di Suralaya.
- Inggih Ratu Sanghyang Indra, boya aksi titiang mangkin, kasakitan ngentak-entak, sengal-sengal nyai mati, kautus nyekaonin, brata Danghyang Trenawindu, durus titiang sengsara, kablaburan sedih kingking, antuk Ratu, gemes manuludang titiang.
- Mangda padem keni temah, boya tulak titiang malih, mamekel linggig Betara, kengin kundang mangayahin, ngaturang pakenak bakti. I Ratu lalis kadurus, tekening
