Kaca puniki kavalidasi
2.7 SALIA PARIKAN
Puh Sinom
- Iseng-isengan Manyurat, nanging Sakaring kawidi mangapus Berata Yuda, ninggarang mamunyi Bali, ampura Dewa Gusti, antuk dane ipun, mamunggelang cerita, duk Sang Salia Senapati, sampun puput, kabiseka jaya-jaya.
- Ne mangkin kalungang-lungang, ortane rauh sujati, kaatur ring Sang Pendawa, eweh Pangraose mangkin maumang maminehin, Sang Kresna nyanggra masaur, ngwijilang pangupaya, patut pamargine nyilib, tur kadauh yogia Ida Sang Nakula.
- Mamarga tan pairingan, ludin peteng tan pasundih, katuju maan nuutang, buka ada mituduhin, nyeleg senjata titib, tuara da anak mangrungu, mingkin ke ada matakon, masiuran silih tari, nagih nuuk, manganti-antiang lemah.
- Mangkin Ida Sang Nakula, angob mireng manyingakin, tetingkahan ane ring pondok, waluya ring Madrapati, bancingah mancak saji, tiing macerancang alus, ngojog kapasarenan, Sang Salia sedek katangkil, eluh-eluh, kundang-kundang saseliran.
- Kagiat kayune manyingak, Sang Nakula rauh nangkil, ngandika ica manyapa, "Duh Mas Mirah Wane cai, elas ia teka mai, wireh tong ada ngarungu, yatna magegelaran, nyorohang gajah pedati," raris matur, Sang Nakula saha sembah.
- “Wecanan Wa tana iwang, wiakti nglaluang pati, mangkin sida mamarekan, raris mangaturang urip, dening ortane jati, tingkahe sampun kaatur, ring Ida Sang Darma Putra, Wa madeg senapati, pacang nuuk, tan wangde dinane benjang.
- Atur titiang tana panjang, pisan puputang ne mangkin, iriki ring ajeng Wa, keris kawitan puniki, kenakang manampenin, tiwakang anggen manyaud, uripe I Nakula,
213
