Kaca:Kembang Rampe Kasusastraan Bali Purwa Wewidangan I Buku II.pdf/210

Saking Wikisource
Kaca puniki kavalidasi

211

demenin, tuara bisa mineh kayun, bas lebihan prapanca, tan mapilih teken istri, mangarapu, sok mabaane manjamah.
  1. Mirib tuara pacang nraka, mangulurin smara paling somah anak masih jamah, guru kakaruhin, nguncar—ancirin gumi, tuara nhawang ala ayu, ngamati-mati jadma, amarisuda wong maling, keto semun, Ida Sang Purnawijaya.
  2. Krana guminida rusak, rug terak ya sai-sai, liu jadma mati sayah, len ada maninggal gumi, ada pada pabisik, teken timpalnya mapunduh, tuan pada makakencan, mabudi maninggal Gusti, meh tan urung, pacang mangrusak sang nata.
  3. Nanging kari daat kemad, banya ngenehang di ati, dening sang Kuncarakarna, ento daat katresnanin, dening ida kari sih, tekening jadmane liu, liwat Palapan mapanjak, tur ican idane riin, kadung liu, suba banya mamamitang.
  4. Ento krana kaulehang, kakencane sai-sai, dening sang Purnawijaya, pacang rusak nene jani, tuah te sida mati, rakanida kudiang ngapus, apanga nyeneng nata, Mangempu panjake sami, tuah tong kayun, bas manyama pakalihan.
  5. Liu banya mangencanang, wenten nagih maninggalin, ma sih Sang Kuncarakarna, kari magantung di ati, sapung gawane sami, asihe pada mabriuk, Sang Kuncarakarna, pepesan kema nangkil, daat lucu, reh ida darma utama.
  6. Dadi Sang Purnawijaya, gedeg jail iri ati, teken sang Kuncarakarana, rinasa-rasa ring ati, dene kaka warna wil, kadi tan manyama tuu, pangucape ring manah, "To kadaden ulad-alid, daat letuh, tong pantes kai manyama.
  7. Bane detia nistadama, ngawe kagedegan ati, tur panjak kaine pada, samujug kema manangkil tonya bengil, apa olahanga ditu, tong duga pacang suka, asih tekening kalesih, awak semut, tan urung pacang kabaksa.