Kaca puniki kavalidasi
2.4 ARJUNA WIWAHA PARIKAN
Puh Sinom
- Ditu laut ia ngenehang. pacang tingkahe medanin, manegak mareraosan, pada ia saling tundikin, makruna tuah tan mari, pacang mangrusak Sang Bagus, "Kali kenken to majalan." ada ne pestad nyaurin, "Melah nyanan, bau engseb Sanghyang Surya".
- Anti wau endag bulan, ditu laut laksanain, dini malu ngawe tingkah, mangdennyane dadi paling, adane ayu bangkit, pragat tandangnyane luung, sane kealokang melah, di jagate patuutin, keto munyinnya, ditu ngalaut majalan,
- Suud tingkahe di suargan, ne anggonya tingkah jani, ada masawang pepindan, manerus neked ka ati, kewala ia nyenyer manis, pajalane ngawe linglung, ada len tetingkahan, twara nganggo payas luih, mangandelang, pamulune buka mas.
- Ada len matut pajalan, buka legong ningeh gending, dempo-dempo ngawe pusang, alus tindakene pasti, pliate buka tatit. nyakitin manah ulangun, kedeke kacegemang, sing bikasang mula bangkit, yen ta rungu, bisa mangejohang liat.
- Bes liu yan ceritaang, tingkah dedarine sami, lampah pacang mangoda Sanghyang Surya suba lingsir, manabdabang ia gelis gelis, parekane tela laut, nyagjag laut manasekang, iju laut mamayasin, tingkah payas, pada mabina-bina.
- Jegege mangonyang-ngonyang. tui tuah sarining swargi; pamulune gading nyalang. nyigem kedek anggon rawit, sangkan twara mamunyi. isite kari kasekung, dening ia kasayangang, pacang anggon sikep urip. yenia ngenah, sing ngeton tan urang rusak.
- Pupube mapaan balang, untu alus pakerining, len ada masawang mas. ban mara suud masangling, paliat galak
205
