Kaca:Kembang Rampe Kasusastraan Bali Purwa Wewidangan I Buku II.pdf/203

Saking Wikisource
Kaca puniki kavalidasi

204

  1. Putus, pacang nyujur kasuksman, pakantenan, roboh Sang ngamarginin, nyalukang Siwa Sridanta.
  1. Pakantenan buka jani cai Gajah Muka, cai Naga Raja, I Macan ya katigane, buatang apang kukuh, mangameng buka pamunyin, irane mawarah, indik Buda putus, teken Yogan Siwa Sridanta, katunayan, yan sang ngincep Buda wiyakti, tong nawang kautama Siwa.
  2. Keto masib Ida Sang Pandita ngamargiang, gegelaran Siwa, yan tusing uning gagelaran yogan Budane putus, kaucapang tuna masih, puput ida ngandika, midarta pitutur, pawarah indik kadarman, buat ka Budan, Hyang Prama Buda wiyakti, kemanah antuk Sang Tiga.
  3. Raris ipuri I Gajah Muka I Naga Raja, kalih memen Macan, manikel patingubaktine, mangkin sami sampun puput, warahe lintang pingit, tur raris kanugraha, mangde sami ipun nukulin ninggatang kasukan, sapunika antuk Ida ngandikain.
  4. Di tukade jawat di gunung yadin di sema, tongose mayoga, da pisan ngaro idepe, tong sida ban katepuk, to ida sang kaisti, sapunika wacanan ida sang sampun putus, nenten uningayang titiang paritingkah, ipun Sang Tiga ne mangkin, sampun sami ngwangun tapa.