Kaca puniki kavalidasi
195
- panyungsungan jagat, tumuli ka bancingah, panangkilan sampun titib, manca punggawa, Siwa Buda sulinggih.
- Pinih ajeng Patih Nitibandeswarya, suba pada ngingetin, tegak soang-soang, atap batan angsoka, sabeng prabu sampun malinggih, puput matingkah, saupacara cara sami.
- Tangkilane waluya buka di gambar, tuara bani nguripit, panganggo marendah, kadi sekar sataman, siep pada ngati-ati, mijil kekecap, Sang Prabu ngandikain.
- "Bandeswarya kenken sih ada keengan, jagate dingeh cai, engken sakitanga, baan cai mratingkah," I Patih maatur gelis, makapiut nyumbah, "Ratu Dewagung singgih.
- Durung wenten rengen titiang matra-matra, krimikan jagat mukmik antuk kasakitan, kewanten sabran-sabran, kapiragi sering-sering, ucap-ucapan, wantah kapuji-puji.
- Darma dana kabaos Cokor I Dewa, ring kapatutan singgih, banget mangede liang, jagate kamaula, ngarianang negari, usan ngraosang, wenten pakeweh mangkin".
