Kaca puniki kavalidasi
194
- naneng mangaksi, satetingkahan, ne kanten ring negari.
- Lelemahe napak asat turing jimbar, ile saling lingganin, mawangun-wangunan, rasanya papatutan, Indralokane mapalin, to tong ada kuang, umah magubug titib.
- Tuara ada tuara mangliangin manah, wewangunane sami, mawak kamelahan, cirin lebihan kasukan, gawene teka ngapenin, bunga trenggane, papayasan makadi.
- Bilang gubug-ubug rame makalegan, saling ipuk magilir, nabuh tetabuhan, gong Smar Pegulingan, asep menyan ngalik-alik, matetimbalan, teken kidung kakawin.
- Pula-palin gaen i bapa, kocap panglatar urip, mabuncing panak, sang prabu mangkin enak, nyingak janmane luh muani, magegirasan, majalan nuut margi.
- Rerad-rerod tebang ngateh nyama braya, kapasangkola ngraris, sang prabu minaha, saja tong ada asah, teken legane mabuncing, pamragat suka, sekala mungpung urip.
- Pasemengan sang prabu Eswaryadala, sampun puput masuci, masalin busana, sarwa putih makejang, tekaning untune putih, tumuli munggah, ring balene malinggih.
- Mulung rasa lumekas magegelaran, matitis angutpeti, stiti pralina, usane sapunika, magentos busana malih, ngrangsuk kagungan, makampuh gtingsing ringgit.
- Mabulang sutra putih maambed gadang, maprada sampun nyungklit, keris malandean, togog emas masoca, patut ulu mirah adi, lian mirah, sembaripun sami.
- Antes ngangge makuta emag masoca, dumilah mantinganting, kalih nata brata, mapinggel kana kemitan, matetebus sutra putih, nganutin sekar, bunga cempaka putih.
- Emastatur odake katon pakranyah, abra ngolah pamargi, mijil nadtad cota, patanggu sasongketan, upacara liu ngarepin, beburu mamas, pedang tamiang marapit.
- Patarana bogem ardani lelancang, sotaning prabu luih,