Kaca puniki kavalidasi
151
- Atut gambang swara begah bero muuh, atut lima sekar alit, Sekar Madya Atut Pitu, tembang Bali turah mangkin, ngawe kasmaran mangencot.
Puh Demung
- Catur drestane ne molih desa dresta, alah ring hyun Seng Prabu, lwir maraga Tuduh, nitah jagate mabaosin, mangde trepti lana, ayu wredi sri mawantu, kecap babosan, Anake Agung Manggis, ring Ida para Pendita, sawengku Gianyar kadauh.
- Ngicenin panjake indik tata-gama, kadarmaning i pacul; keni sampun tan wruh, ring iwang patut akidik, kaanggen ring jaba, mangde sampun salah surup, saweku Giahyar, warigane kapuji, kabaos salwir swakarya, patut madewasa ne patut.
- Ring jaba jro Alit, wantah muatang, bakti asih i pacul, keh pikeninipun, yan wenang ngawariganin, tur pascat ugrambang, sang widagda yan makumpul, paturu widagda, wariga sari pinasti, ala ayuning dewasa, keh ne mawasta Naga Nahut.
- Sasih tan patumpek wiakti kocap ala, ring wuku tan paguru, prawanining wuku, prawanining dina sasih, ring Dora ka Doran, nemu Dora ala tuhu, ayuning dewasa, nujuang Tulus Dadi, Mreta Dewa Mreta Masa, Sadana Yoga Sriya pupul.
- Alaning wawaran sami reke alah, ring tanggal panglong ayu, tanggal panglong dudu, alah ring ayuning sesih, yening sasih, yening sasih ala, wenten kocap carunipun, nanging matra tungkas, tatampen bina kari, pangrerehan sasih bina, pilih sadya atun ka pungkur.
Puh Adri
- Yan tataning sang Nata Ratu, ri kala lungane, Kerangasem tan patanding, mamas di ajeng di pungkur, pangiringe patuh-patuh, panganggone bungah-bungah, yadin tetabuhan tambur, dag dug dag pung santer banban,
