Kaca puniki kavalidasi
1.46 GEGURITAN COKOR RATU
Puh Durma
- Tan cerita ejime di Gili Emas, buin ada Mangenti, satua barang-barang, raksasa bangga murka, angkara kalintang juti, mangala-ala, gawenya sai-sai.
- Paca ratu sing papasa pada kalah, ada manungkul mati, takut mangetngetan, baan saktinyane liwat, tur kasayangang baan Widi, sapinunasa, kaican kalugrahin.
- Krana keto pageh bratannyane kuna, mayoga masemadi, kocap siu temuang, pageh tuara kican, matatenggeng nguyup angin, rauh Betara, ngalugrahin sapanagih.
- Nanging ada wecana buka nyeleka, bih burbaka tangarin, ne petang negara, Koripan lan Mamenang, Gegelang muang Singasari, sing ada pada, lenan mamuterang gumi.
- Nah aketo baan ngucapang palugrahan, 1 raksasa dipati, di Biokbor negara, sayan murka kowaka, drowaka kalintang juti, sing Ratu darma, kaubes kaendonin.
- Juru maas nyama-nyama jak lelima, to adeganga Patih, I Kala Arak, muah I Kala Jagat, Kala Suduta makadi, Kala Sengara, Kala Angrurah Bumi.
- Yen ta kocap i rakesasa di Burkala, inget teken ne riin, wecanan Betara, ogandikaang prayatna, ken ratu catur negara, to krana ia, manggawe upaya sandi.
- Manjalanang I Patih Suduta, miber pacang mamaling, ngonyang Rajaputra, nene petang negara, yan sida tan urung sedih, manggih sengsara, kumandeng nglaut mati.
Puh Kumambang
- Nengakena, i raksasa ada ngenti, pacang ceritaang, ratu ne petang negari, pada suka mimian-mian.
- Dadi engsap, tuara meling teken sesangi, nanging kalawasan, tuah katuduh baan Widi, apang manggih lara sirang.
147
