Kaca puniki kavalidasi
1.44 GEGURITAN AYUWERDI
Puh Durma
- Ne pamekas pisarat pinunas titiang, dumadak mangda Adi, teer kayune manyama, maala ayu tunggal, mangda sida ugi molih, wah adiatmika, sang mangardining Adi.
- Makadinnya pakeling Beli elingang, sekenang pisan Adi, malajah masastra, mangungsi karahayuan, tatwa agamane gulik, ya anggen tungguhan, polahe makerti lewih.
- Eda mrekak mamokak makuma bisa, katah ne kari cidranin, musuhe di awak, pasti ko baan manawang, diiwange ngangamongin, mangrubeda, manyingse mangalap urip.
- Apan tuara len ne kabuatan, kaesti sareng sami, kapatine utama, buating kawiryan, suka wibuh kanda bumi, ento plalian, swarganing kala maurip.
Puh Sinom
- Srinata murtining raras, duh Dewa Sang Ayu sami, da Dewa mamilara, mangambulin Bibi Aji, ngambres mamentos ngamikmik, dening jani suba duur, bajang enyom kembang jagat, patutnya suba masalin, ring ne malu, duke kari alit pada,
- Putra Sesanane elingang, da maang kayun sama, langgah langgana tan sarin, manemah namisuhin, nganyolnyolang kala suung, di pisaga metang rerama, bane ngasen suba kelih, turing kukuh, ngandelang pacang wirosa.
- Tuara eling Mutang raga, teken jiwane ban nyilih, ento apa anggen mamayah, pidan sih pacang taurin, ente madan jadma paling, tuara nawang ndi laku, setata polahe ngamang, meme bapane dengkikin, tulah idup, saurip nemu sengsara.
- Muah dimatine wekasan, tan urung pitrane paling, ka-
142
