Kaca puniki kavalidasi
1.42 GEGURITAN DARMA SESANA
Puh Ginanti
- Girang milu ngawe kidung, mangarang sekar Ginanti, nanging cara Kartasura, wiraose cara Bali, cara Bali alus kasar, saupan madukan kedik.
- Basa cara Jawa, Melayu, sara sang maos ngicaning, sampan banget duka, kawi tiwas ngipil-ngipil, durung cacep manintesang, genah basa manut dong ding.
- Kocape wirasan tutur, ngetus ring Pasradaniti, gebogan Cantakaprawa, sat anggen pangeling-eling, ulahing san, sinewika, tembangang dadosang gending.
- Nurut ida dagingipun, bilih wenten saru kedik, mangde sang mawos muruang, tetampene mangde becik, kocape brata nembelas, anggon-anggon sang siniwi.
- Giri brata yang kesatu, Indra brata kaping kalih, tiga. Mretawarsa brata, patpat Yama brata lewih, kalimane Agnibrata, kaping nem lawana brati.
- Mrega brata kaping pitu, ping kutus Singa brateki, sia Anila brata, Sata brata kaping dasi, ping solas Mayuta brata, roras Cantaka brateki.
- Kaganila brata mungguh, ring kaping telu malíh, Wiagabrata ping patbelas, limolas Cundaga brati, pupute kaping nembelas, Walesabrataraneki.
- Malih wiwatin mangitung, midartaang siki-siki, ne mawasta Giri brata, kadi gunung tempuh angin, yan rauh musuh ngelarang, aja gingsir sampe mati.
- Indra brata wastanipun, pariksa ngreh wadwa sami, tan pangega kanda nunggal, midosa yen keh misinggih, sampura yen kasawalan, prih manahing wadua becik.
- Mreta warsa brata iku, amreta toyaraneki, tan pegat nguningi wadwa, warsa ufan artiueki, tingkahing nikawang dana, den watra aja mapilih.
134
