Kaca puniki kavalidasi
124
- Watra banya mapawasan, raris malipetan gelis, Pedanda kari mangantos, di pamrajan gendang-gending, Pan Bungkling maatur kenying, "Inggih titiang sampun Ratu, natas banten punika, wenten emeng, titiang kidik, dening durung, titiang taen mangantenang.
- Wenten ne mawadah dulang, meka waja miwah lengis, menuh sikapa asoroh, boya tingkah banten suci, punika ke anggen napi," Pedanda ngandika alus, "Data takonang iba, pipise jua aba mai," malih matur, Pan Bungkling makita nawang.
- Pedanda raris nartayang, "Ene tatuannya cai, pan sipta uling makelo, yan dadi jelema buin, menuhe bakal caling, sikapa anggon pemulu, mekane anggon mata, wajane kalanggan gigi, mangde ayu, yen nepekang parikrama".
- Pan Bungkling kedek mangakak, "Uning titiang kapo mangkin, nanging kangkat titiang gaok, titiang taen mamanggihin, anak mananen sampi, tan wenten madaging legu, nanging ke panggihin titiang, tan wenten angan asiki, boya lamur, bantenge ne wau lekad.
- Punika anak Pedanda, dening cingake nganehin, manawi te meka kaon, anggen anake nagingin, canang wantah asiki, bas mangawe salab ukuh, pamulune kahkah dungkah, sikapa. makulit-kulit, anggenipun, nagingin layon punika".
- Pedanda raris kabangan, mireng ature Pan Bungkling, okane anggen geguyon, makiret raris manuding, panyingakane nelik, mairib tuah singa, napur ida raris mangerak, "Ne te iba jalma cicing, bas kadurus, bai iba mesuang peta,
- Twara angan majangka-jangka, kaliwat nyakitin kuping, tuí tuah jlema basong, mati iba gepluk kai, taanang jani dini," Pedanda manyemak elu, Pan Bungkling mangedaap, liu anake nyagjagin, pada muug, ada ngisiang Pedanda.
- Ipun mangkin paid titiang, pang ipun mati mapaid, liu anake mangoros, Pedanda malih malinggih, tan kocapan
