Kaca puniki kavalidasi
Puh Sinom
- "Saking anom jwa dabdabang, majanji ring anak istri, mangastawa Yang Smara, keto patute sang kalih, sadurunge pacang mrabi, pangucape sampun patuh, siang dalu ngajap tawang, sentanane mangda lewih, yaning adung, wenten ciri kapasweca.
- Pawarang ane adungang, wau kengin anggen rabi, upakarane puputang, sapolahe ngalap rabi, ngawit patemune pasti, acumbuana ring s ang ayu, smara gama pastika, pada gelarang sareng rabi, saking adung, patemune jantos pragat.
- Aywa obah aja ngucap, pada ngeleng ngadu suci, jantos nidra nora ginggang, sapunika mangda eling, selawase ngemban rabi, dasa sila apang kukuh, lancarane patemune mangda molih, pica patut, sang putri saget mangidam.
- Wewelin antuk laksana, bobotane papalanin, peteng lemah mangyasaang, lanang istri mangastiti, ngastitiang rarene pasti, pamijile pang rahayu, keto kecaping agama, tan patut ika piwalin, duh Sang Prabu, mangda maputra utama"
- Sang Kasipura mananggal, "Aduh Ratu Sang Putri, durung maneh mamiarsa, mangrungu tuturang lewih, indik patute malihin, tunas titiang ring I Ratu, ampura tan dinaksinan, ne katur ring Raden Dewi, titiang lacur, mangda masentana melah".
- "Patute ngebekin jagat, punika acep patitis, antuk solah kapatutan, puput Ida Raden Dewi, mangujang ang sarwa pingit, Sri Narendra raris mantuk, mapamit gelis mamargi, magentos tuture mangkin, kang sinebut, Ratu Nairiti negara.
- Ratu saking Ersania, buka pajogan ring margi, Sang Ratu kalih punika, matemu saling takonin, saindik ortane jati, akweh Ratu alah sampun, kudang Ratu mawisesa, kapulat mangatut sami, indik iku, karembaang maring jalan.
121
