Kaca puniki kavalidasi
116
- periatin, sabran ngoda Budi Satwam.
- Budi-Tamah artapaksa, ngalubaang enggal sugih, mangas idepe momo, twara kimud nguluk-uluk, marakang dayane corah, reh maperih, apang len ngelah berana.
- Wastu keweh Budi Satwam, nongos di tengah kajepit, Budi Rajah sai ngoda, Budi Tamah ngalaluyub, twara nyidaang malengkas, kasatronin, corah momo kameledan.
- Yening twara mangidepang, duhkita idepe sai, kawesa bahan Trimala, ane awetwang Sadripu, musuh sajroning serira, makewehing, awanan dadi sangsara.
- Yan pageh baan mayasa, ento matemahan Trisakti, ane ngametwang Sadguna, wastu nepukin rahayu, tan bina negakin jaran, ane bejit, kenken baan mangoregang.
- Budi Tanah kadi jaran, Budi Rajahe kundali, ne negakin Budi Stwam, apang twara mungpang laku, twara nyandang ia lumbar, sayan bejit, malaib manganggwang kita.
- Sayaga da ngalemah, tekekang ngisi kundali, urut-urut apang eboh, pang da payu mungpang laku, prade ne nyak mangidepang, pituduhin, nuutang ane ngoregang.
- Keto Cening pratiwimba, paksan ane madan Budi, Mertajiwa manunasang, Trimala wetu Sadripu, Trisakti metu Sadguna, matungkalik, durus wedarang pidarta".
- Dukuh Suladri ngandika, "Kene padingehang Cening, awanan madan Trimala, sawireh madewek 1etuh, kasingsalane makrana, ngalakonin, idep munyi mwang laksana.
- Manacika lan wacika, kayika awanan dadi, letuh mapunduh di awak, kabatek ban salah sengguh, ngawetwang momo lan corah, nto mamurti, ne tetelu malegendah.
- Reh Trikaya Parisuda, kawenange mabalik, ampahe saja makada, dadi ngawetwang Sadripu, kama loba moha murka, winakadi, himsa kalawan matsarya.
- Kama ane mangadakang, indriane adasa Cening, dasandria bacakan momo, ane ngawe twang ulangun, bin kejep bapa