Kaca puniki kavalidasi
113
- dane mamargi, somah titiang Dewa Ratu, apanga manggih rahayu," yan teka mangering somah, manyagjag masehin suku, sungsut baan kangbromane, matimpuh raris manyumbah.
- Wus nyumbah raris umatur, "Gustin Dewa, rauh Gusti mintar Gusti,"I Jatiraga masaur alus, "Beli ngiring sang alulun," rauh maring taman sekar, sareng Ida Raden Galuh, sarwi ida ngalap sekar, budal raris ngapuriang.
- I Dreman keek-keek matimpuh, di tengah belene, masakit-sakit di ati, munyine alpakang binglus, mengkeh-mengkeh tajuh, lagute Dreman kaeman, nanginggilang awak mampuh, tur bisa ngulanin somah, madune sai olekang.
- Lagute tan porat takut matukup, sai anggon gae, lemah-lemeng jwa piranti, tan porat tuara kudu, masih ya masabda alus, makeneh ya di atine, tau teken awak lacur, tumbuhe dadi jalma, sangkan kene temahannya.
- Pakretine aba uli malu, sangkan nemu jele, apane jua rasaning, pangrasane awak luh, tau teken tumbuh luh, sok besik jani gawenang, tau awak tumbuh lacur, sampun mang iwangin somah, istri kawana ayadnya.
- Yen pangpang ring somah tekening guru, gede dandannyane, awak sih maguru laki, akuda jlema salud, ambulne ja suba liu, apan sih awak kasereh, kumah Gusti teken madu, mangiwang samunyinnya, awak sabikas manyama.
- I Swangga Darmi jani masemu, bakti ring lakine, idepang sih bapa aji, twara lang ah teken kakung, apang anut mpenyin tutur, kanggo uduhe manjadma, bin apalih ya tumuseh, apang da manemu papa, ring laki sai manyumbah.
- Wus manyumbah raris masehin suku, kelud ban romane, usania raris mapamit, I Jatiraga masaur, "Uduh Gusti ariningsun, utama san Custi Mirah, mas onmah twah satia tuhu," I Dreman delo ulate, ne kakung takut tuminggal.
- I Dreman ya mingkah-mingkuh, nyurere ulate, lakine delo-delo baane mangrumrum madu, gila gedeg ya madu, gila gedeg ya mandulu, semnune ya keek-keek, pesu gila sum-
