Kaca:Kembang Rampe Kasusastraan Bali Purwa Wewidangan I Buku II.pdf/119

Saking Wikisource
Kaca puniki kavalidasi

1.35 GEGURITAN DREMAN

Puh Adri

  1. Keto pangrasane awak dusun, subalan awake, tuara mangitung mati, nto bedane manyinggul, pangrasane awak eluh, tidong sayangang awake, bin apalih ya tumuruh, tumitis ka mrecepada, istri kopa ala papa.
  2. Apang melah Dewa ngadu semu, jawat jele melah, jawat dreman eda banggi, masmita apang alus, apang pada ngada semu, apang anut jele melah, jawat tan porat tan ibuk, idepang awake sayang, da mangrusit teken somah.
  3. Istri utamane jani tiru, astiti baktine, patibratane gugunin, dan keras ngimat-ngimut, pesu munyine da sauh, astitiang marabine, baya manulahin tuuh, ada reke tuturannya, anak makurenan dadua.
  4. I Jatiraga nene kakung, kawipradnyan reke, ngulah sadu kreta budi, setata ngasti rahayu, rabine rauh di pungku I Dreman I Jatiraga, bangga bogan sumbung-sumbung, lagute dreman kaeman, somahe sai arepang.
  5. Arane I Wijasantun, alus pamulune, langsing lanjar kenyung manis, pantesnia mangrengu-rengu, manying kasih teken kakung, tan sah mapulut Jaki, ne kanggo guna taagis duyung, tekening panangkeb jagat, somahe buka tekapang.
  6. I Tanporat mangkin masih luung, nyandat pamulune, arane I Swangga Darmi, romane panjang lecut, langsing lanjar solah alus, sebet wicaksana ring karya, darmaning tastra muang tutur, rapet bakti ring lakine, sadina-dina manyumbah.
  7. I Swangga Darmi bangkit satuuk, tan porat awake, idepang jwa masih bangkit, twara lali teken tutur, astiti baktine malu, sayangan masih rabine di ati masih magantung, yan luas satibapara, rabine estiyang jumah.
  8. Pangestine jumah Dewa Ratu, pinunas titiange," Salakun

112