Kaca puniki kavalidasi
1.34 GECURITAN LINGGAPETA
Puh Ginada
- "Kema cai ka Beratan, mapasuk nyangihin taji, kema jani apang enggal," I Linggapeta umatur, manyumbah nyakupang, tangan, tur mapamit, tumuli raris mamarga.
- Sampun rauh ring Beratan, kapanggih ki juru sangih, "Beli Nyoman aiki reko, pangandikan Anake Agung, mangda Beli manyangihang, ida taji, niki taji druwen ida.
- Jani sedeking purnama, mangda puput sane mangkin," Tan kocapan nyangih reko, gelising cerita puput, I Lingga peta angucap, "Tang pamit," tajine raris kabakta.
- Tumuli raris katurang, I Linggapeta ne mangkin, kocapan mabresih reko, ka tukade kayeh mambuh, satekan nyane di tukad, ia masugi, kaget teka Ni Ketut Layang.
- Tan wari mareraosan, terunane kapetain, I Linggapeta tan genjotg, Ni Ketut erang ia mantuk, ejune raris pan tigang, mangaprig-prig, labuh ia manepen paras.
- Pesu getihe macuab, morahan nulih mangeling, "Meme Bapa tolung titiang,” bapannya kagiat andulu, "Duh kenapa nyai Mirah, dadt ngeling, pesu getih macabcaban?"
- Ni Ketut raris angueap, "Titiang kayeh ne i tuni, sedeh suung di kayehan, bau suud titiang manjus, yan uli dija tekannya, anak nuani, ne madan I Linggapeta.
- Sahasa mangelut bangkiang, nyonyon titiang pinah sakit, bes sanget baanya ngatat, sakite neked ka tundun, lantas titiang mangibegang, kaplaibin, ejun titiang kantos belah".
- Memennya mangkin angucap, munyine mangasih-asih, "I Dewa sayangang titiang, dadi onya babak belur, lamun ada budin awak, dong petain, munyine malu adaang.
- Jani kene pianak titiang, pakecrit-crit pesu getih, nyonyo beseh sebuh lantang," nanangyane jeni bangun, manelik lantas magibas, jerit-jerit, madedingkling ngang-
110
