Kaca:Kembang Rampe Kasusastraan Bali Purwa Wewidangan I Buku II.pdf/107

Saking Wikisource
Kaca puniki kavalidasi

100

  1. manduracara.
  1. Suba atma masih bobab, mangaku awake lewih, Hyang Panyarikan angucap, "Kita atma kabeh iki, ada kita padengkik. nah nyongkok negak pepunduh, limane telangkupang, cirin enu karaosin," lantas nuun, atmane mabriuk negak.
  2. Hyang Panyarikan angucap, "Kita kabeh wau prapti, ne aku jani matakon, teken iba apang jati, taen kamu makirti, mayasa ngolah rahayu, dewa yadnya, mitra yadnya bukur lewih, satia sadu, madana punia ring jagat.
  3. Maguru kertopadesa, atwang teken Sang Hyang Widi, ngirim prentah linging sastra, kasusastran witing dadi, mataki-taki gending, kasreyasan olah luung, malantaran subada, karma saniasa tekening, darma putus, yoga saniasa purwaka
  4. Atmane matur manimbal, briuk apisan mamunyi, patuh buka masemaya, "Inggih titiang sring, Jumaksana ngaryanin, mamitra yadnya mambukur, mangresi muta yadnya, madana yas. punta sring, santapatut, mangulah kertopadesa.
  5. Ngulik tatwa kadiatmikan, "Hyang Panyarikan nyaurin, "Nah da kene ban mapeta, mambuten aku ne jani, reh aku suba uning, teken lampah ulah kamu, abesik tong ada suarga, kamu pada curek dekil, peyang-peyong, uling idup kalang atma.
  6. Masih bobab ngaku suarga, ne pipil kita kapanggih, ne jani aku mamaca, kita padingehang jani, ne kamu ngiwat riin, katara laut maejuk, twara ada mangguang, kamu kilangang prajani, batan kepuh, twara keto kandan iba?"
  7. Watek atma raris ngucap, "Inggih-inggih titiang wiakt i, Ratu titiang naen iwang, ica I Dewa ngampura," Hyang Panyarikan angling, "Ne pipil iba mangleak, maneranjana nyakitin, sai nelub, twara keto kandan iba?
  8. Da iba jani matilas, sing keto dabdabe riin, "Kang atma asaur sembah, "Inggih-inggih Dewa wiakti," Hyang Panyarikan angling, "Ne pipil kamu katepuk, kocap iba ngamatiang, anak twara ngelah sisip, lantas mimpus, iba mati kailangan".