62
katurunan, Raden Mantri mamarga, kundang sampun mapucukin, jaka roras, bajang tur jegeg sami.
47a 497. Nini tuwa bau miragi manyagjagin, manggelut cokor ngeling, hinget ken ne suba, Swecan Sri Aji Dharma, inggih ratu kadi mangkin, titiang ngaturang, awanan tiang hurip.
498. Pecak titiang tuwa pataka kalintang, bungkut sengkok lan kibih, gantos titiang pisama, antuk titiang ring manah, paican Ida I Aji, mangkin cokordha, sidha rauh mariki.
499. Kalih napi pisadyan I Ratu lunga, antuke sapuniki, mahiringan katah, hiringan bedil tumbak, dening tingkah lewih, makahyun lunga, boya kadi I Aji.
500. Pakalihan I Gusti Madri ngiringang, Raden Mantri nyawurin, tiang ka Kerta Pura, nuhur Ida I Biyang, miwah ka Malayawati, pang ada hiring, tiang jumah ngayahin.
501. Pangiringe pada gawok sinamian, ngeton tamane becik, pada madehepan, mangkin bus mangayunang, Raden Mantri mangraris, marem-mareman, pangiring nunas sami.
502. Nini tuwa raris ngaturang woh-wohan, soroh ne manis-manis, caroring buluwan, wani manggis poh prawa, duren nangka wmang jaroti, bus kahatrang, ikudang raris nampi.
47b 503. Tancarita peteng ne mani semengan, Raden Mantri mamargi, nglajur ma manganginang, tambure masewara, joli kretane malih, Rahaden Mantrya, tedun raris mamargi.
504. Dawuh lima napak rawuh ring bancingah, Sang Prabhu nyapa aris, mai dini Dewa, kaliapa majalan, Raden Mantri mangeraris, manunas lungra, munggah Ida malinggih.
505. Bale petajahan genah penangkilan, wiku akeh manangkil miwah Bawudhandhane, Raden Mantri manimbal, semengan titiang mamargi, nging sakeng taman, sane ring Purnawati.
506. Saking jumah sane dibipasemengan, rawuh ring taman lingsir, punika Ni Tuwa, raris nyimpangang titiang, sampun macawisan sami, pagenahan titiang, ring lojine si Kangin.
507. Da Sang Prabhuraris malih mangandika, ring bawu dhanda
