59
Aji Dharma, rawuh malinggih masanding, Raden Galuh, sedeng kambinge majola.
467. I Madri bau maliyat, kanten Gustine masanding, buka malinge katara, ngaseset liyate paling, jengah lawut malahib, kangin kawuh, kaja kelod kepung sona.
44b 468. Sadya twara bakatang, rawuh ring getas mangraris, ngalih pawakane pisan, lacur tan wenten kapanggih, apan dekdek ituni, Patih Madri lintang hibuk, bahane ngamah padang, sakit kenehe tan sipi, jani buwin, rnanglawut ka bhoja Negara Pura.
469. Parek ring Sang Aji Dharma, matur titiang nunas, hurip, sweca ratu geng sampura, mangden malih kadi rihin, Raden Galuh nyawurin, da nyampura janma lucu, twara sengeh kapajak, bantes icen ipun urip, Beli Agung, depin ya magoba mesa.
470. Raden Galuh lintang Duhka, kambinge raris katigtig, di kori angunge nongos, wenten kacerita malih, okane Raden Dewi, Tuan Yudha Sangkaran duhur, yusa pitulas temwang, punika Ida ngapi, kadi tingkah, kambinge ne sampun lintang
471. Pangandika bibinida, Tuan Yudha Sangkara mangkin, dukane kalintang-lintang, kambinge mategul raris, masehet lan matigtig, malara-lara matusuk, samping korine nongos, i kambing lintangin sakit, dening mula, titah awake kaduman.
PUH DURMA
472. Sampunsuwe mangkin malih kacarita, tuan Yudha Sangkara, ngraris lunga ka pagaluhan, parek ring Ida I Aji, rawuh ring Pura, nunas lungra mabhakti.
45a 473. Ida Sang Prabhu kadapatang pakalihan, di ambarane malinggih, Tuan Yuddha Sangkara, ngraris Ida munggahang, sang Prabhu lan Raden Dewi, raris manyapa, mai Idewa dini.
474. Desek Biyang Atman Biyange Idewa, kene ja enggal kalih, lega pisan Biyang, kadesek baan panak, to apa Idewa tagih, Rahaden Mantrya, mepes matur aris.
